Atyraý oblysynda adam saýdasyna jáne oǵan ilespe qylmystarǵa qatysty 21 qylmystyq derek anyqtaldy, dep habarlaıdy Aqshamnews.kz.
Óńirlik polısıa departamentiniń málimetinshe, bul derekter uıymdasqan qylmysqa qarsy kúres baǵytynda júrgizilgen júıeli jumystardyń nátıjesinde tirkelgen. Quqyq qorǵaý organdary adam saýdasynyń aldyn alý, mundaı qylmystardy der kezinde áshkereleý jáne olardyń qoǵamǵa tóndiretin qaýip-qaterin azaıtý maqsatynda turaqty túrde jedel-profılaktıkalyq sharalar júrgizip keledi.
Atalǵan jumystar aıasynda ótken «Stop trafık» jedel-profılaktıkalyq is-sharasy kezinde jezókshelikpen aınalysý, jeńgetaılyq qyzmet kórsetý, sondaı-aq seksýaldyq sıpattaǵy zańsyz áreketterge qatysy bar tulǵalar anyqtalyp, polısıa bólimshelerine jetkizildi. Olarmen quqyqtyq talaptar men zań buzýshylyqtyń saldary túsindirilip, áleýmettik qaýipterge qatysty aldyn alý áńgimeleri júrgizilgen.
2025 jyldyń qorytyndysy boıynsha oblys aýmaǵynda uıymdasqan top nemese qylmystyq uıym qurý, olarǵa basshylyq etý, qylmystyq top quramynda bolý, sondaı-aq jezókshelikpen aınalysýǵa arnalǵan prıtondar uıymdastyrý faktileri boıynsha 21 qylmystyq quqyq buzýshylyq tirkelgen.