Semeı qalasynda turǵyndy túngi ýaqytta qýdalap, jurttyń úreıin ushyrǵan qyz psıhıatrıalyq medısınalyq mekemege jatqyzyldy, dep habarlaıdy Aqshamnews.kz.
Zardap shekken qala turǵyny Arýjannyń aıtýynsha, quqyq qorǵaý organdary isti tolyq zerdelep, nátıjesinde kúdikti arnaıy medısınalyq baqylaýǵa alynǵan.
Jábirlenýshi bastapqyda qylmystyq jaza qoldanýdy nemese kúdiktiniń bas bostandyǵynan aıyrylýyn talap etpegen. Ol tek óz qaýipsizdigin qamtamasyz etý úshin, kúdiktiniń ózine jaqyndaýyna zań júzinde tyıym salý máselesin kótergenin jetkizdi.
Eske salaıyq, buǵan deıin áleýmettik jelilerde Semeı qalasynyń turǵyny jarıalaǵan beınejazba qoǵamda qyzý talqyǵa túsken edi. Vıdeoda boıjetken ózin belgisiz áıeldiń uzaq ýaqyt boıy ańdyp, túngi mezgilde sońynan ergenin aıtyp, kómek suraǵan.
Atalǵan jaǵdaı qoǵamda jeke qaýipsizdik, psıhıkalyq densaýlyq jáne stalkıng máselelerine qatysty keń aýqymdy pikirtalas týǵyzdy.