Konstıtýsıalyq sot tóraǵasynyń orynbasary Baqyt Nurmuhanov Konstıtýsıalyq komısıanyń kezekti otyrysynda jańa Konstıtýsıa jobasy qoǵam men memlekettiń damýyndaǵy strategıalyq mindetterge jaýap beretinin jáne Qazaqstan memlekettiliginiń negizderin nyǵaıtýǵa baǵyttalǵanyn aıtty, - dep habarlaıdy Aqshamnews.kz.
Onyń sózinshe, jobada usynylǵan jańashyldyqtar elimizde qalyptasqan memlekettiliktiń konstıtýsıalyq negizderin kúsheıte otyryp, qaıta bekitedi. Adam quqyqtary men Konstıtýsıa negizinde quqyq ústemdigin qamtamasyz etýge qajetti jaǵdaılar jasaıdy. Spıker Konstıtýsıa jobasyndaǵy erejeler «Kúshti Prezıdent – Yqpaldy Parlament – esep beretin Úkimet» tujyrymdamasynyń logıkasyna saı keletinin, eldiń odan ári damýy úshin myzǵymas ınstıtýsıonaldyq negiz qalyptastyratynyn atap ótti.
«Konstıtýsıa jobasyna engizilgen erejeler qoǵam men memleket evolúsıasynyń jańa bir kezeńin ashýǵa negiz qalaıdy», – dedi Konstıtýsıalyq Sot tóraǵasynyń orynbasary.
Sonymen birge Baqyt Nurmuhanov Konstıtýsıalyq komısıa músheleriniń, sondaı-aq belsendi azamattar men uıymdardyń usynymdary ara qaraı jumys barysynda da qundy azyq bolatynyn jetkizdi.