Qazaqstannyń jańa Konstıtýsıasynyń birinshi jobasy Konstıtýsıalyq reforma jónindegi Komısıanyń altynshy otyrysynda qaraldy, - dep habarlaıdy Aqshamnews.kz.
Ony daıyndaý kezinde sońǵy 6 aıda kelip túsken azamattardyń, qoǵamdyq uıymdar, saıası partıalar men sarapshylardyń usynystary, sondaı-aq Komısıa músheleriniń pikirleri, eskertýleri men usynymdary eskerildi. Konstıtýsıalyq sot tóraǵasynyń orynbasary Baqyt Nurmuhanovtyń aıtýynsha, jańa Konstıtýsıa kirispeden, 11 bólimnen jáne 95 baptan turady.
«Konstıtýsıanyń Preambýlasy tolyǵymen jańardy. Onda elimizdiń ótkenin dáripteıtin, búgini men bolashaǵyna baǵdar bolatyn jalpyulttyq qundylyqtar kórinis tapty», – dedi ol.
Baqyt Nurmuhanov adamı kapıtaldy, bilim berýdi, ǵylym men ınovasıany damytý memleket qyzmetiniń strategıalyq baǵyty retinde tanylǵanyn atap ótti.
Konstıtýsıalyq sot tóraǵasynyń orynbasary: «Bul jańashyldyqtar jan-jaqty talqylanyp, barshanyń qoldanýyna ıe boldy», – dedi.