4 myń 600 gektar jer saıaq shegirtkege qarsy hımıalyq óńdeýden ótti
Qyzylorda oblysy Shıeli aýdanynyń 3 eldi mekeninde saıaq shegirtke qaptap ketti. Bul týraly Almaty-akshamy.kz «Habar24» telearnasyna silteme jasap habarlaıdy.
Osyǵan oraı sharýashylyqtar zıankesterge qarsy dári shashý jumystaryn júrgizdi. Jalpy bıyl Shıeli aýdany boıynsha 30 myń gektardaı jer zerttelip, 4 myń 600 gektary saıaq shegirtkege qarsy hımıalyq óńdeýden ótti. Sonymen qatar sharýashylyq qurylymdarynyń 5 myń gektardaı jerine zıankesterge qarsy preparattar sebildi.
Munan bólek asa qaýipti azıalyq shegirtkege qarsy sharalar da josparly túrde jalǵasýda. Bul rette aýdan boıynsha 12 myń 440 gektardan astam jer zalalsyzdandyrylǵan.
«Bestam, Eńbekshi jáne osy kent ortalyǵyna bultty daýyl kelip, arnaıy tabıǵı qubylystyń áserinen bolǵan. Biz der kezinde ýlaý mekemelerimen birigip óńdedik. Eshqandaı da eginge zalalyn tıgizgen joq», - deıdi Shıeli aýdandyq aýyl sharýashylyǵy bóliminiń basshysy Murat Áshirbekov.