Zardap shekkender men jaralanǵandar joq.
Qyrkúıektiń 14 kúni qyrǵyz-tájik shekara aýmaǵynda qarýly qaqtyǵys boldy, dep habarlaıdy Almaty-akshamy.kz Kabar.kg silteme jasap.
Batken aýdanynyń Bulaq-Bashy jerinde qyzmet atqarý barysynda Qyrǵyzstan MUQK SHQ shekara jasaǵy Tájikstan MUQK SHQ shekara jasaǵyna tap boldy, olar buryn qol jetkizilgen ýaǵdalastyqtardy buzyp, memlekettik shekaranyń sıpattalmaǵan ýchaskesinde jaýyngerlik pozısıany basyp alǵan.
Qyrǵyz tarapynyń aýmaqty bosatý týraly zańdy talaptaryn elemeı, tájik shekarashylary oq jaýdyrǵan, dep habarlaıdy Qyrǵyzstan MUQK SHQ.
Buǵan jaýap retinde Qyrǵyzstan MUQK SHQ shekarashylary da qarý qoldandy. Shekara jasaqtary arasynda atys bastaldy, onyń barysynda tájik tarapy mınomet qoldandy.
Aldyn ala málimetter boıynsha, qyrǵyz tarapynan zardap shekkender men jaralanǵandar joq.
«Qyrǵyz Respýblıkasy Ulttyq qaýipsizdik memlekettik komıtetiniń Batken oblystyq departamentiniń bastyǵy polkovnık Kyıalbek Tolonbaev pen QR UQK Soǵdy oblystyq departamentiniń bastyǵy, general-maıor H.Pırakzoda arasynda telefon arqyly sóılesýler boldy. Olar qaqtyǵystyń órshýine jol bermeý joldaryn talqylady», - delingen mınıstrlik habarlamasynda.
Taraptar kezdesý ótkizýdi josparlap otyr.