Joldaýǵa ún qosý.
Prezıdenttiń halyqqa Joldaýyna qatysty ár salanyń mamandary óz oılaryn ortaǵa salyp, ún qosýda. QR UǴA akademıgi Ábdirásil Jármenov te mańyzdy qujatta aıtylǵan, Joldaýda óz kóńilinen shyqqan keı tustarǵa toqtalyp ótti.
«Ǵylymda eger ınovasıany damytýǵa mekemeler qarjy bólip jatsa, ony salyqtan bosatý kerek degen burynnan oıymyzda júrgen bolatyn. Sony Joldaýda bizdiń Prezıdentimiz ashyp aıtty. Sodan keıin maǵan taǵy bir unaǵan jerleri - quqyq qorǵaý organdary men sottardyń jumysyn qalypqa keltirý, sottardyń bir-birine baǵynyshtylyǵyn azaıtý. Bizge de óte ózekti másele. Sebebi biz kóp jaǵdaıda sottasýǵa májbúrmiz. Endi sol suraqtardy qıyndyqsyz sheshýge bolatyn sıaqty. Mynaý Úkimet pen mınıstrlikter arasyndaǵy nemese mınıstrlik pen mekemeniń arasyndaǵy túsinispeýshilik bolsa, ony sotqa bermeý, sol Úkimettiń, mınıstrliktiń deńgeıinde sheshý kerektigi de bizdiń jumysymyzǵa oń áser etedi dep oılaımyn», - deıdi QR UǴA akademıgi Ábdirásil Jármenov.