Qazaqstan musylmandary dinı basqarmasynyń ǵulamalar keńesi lýdomanıaǵa qatysty pátýa shyǵardy, dep habarlaıdy almaty-akshamy.kz
Lýdomanıa oıynqumarlyq degen maǵynany bildiredi. Lýdomanıa (gemblıng, ıgromanıa) termıni qumar oıynǵa táýeldilik degen maǵyna beredi. Sharıǵatta kez kelgen oıynǵa qumar aralassa haram, úlken kúná sanalady («Ál-maýsýatý ál-fıqhıa»: 39/407).
1. Qumar oıynǵa táýeldilik otbasynyń shyrqyn buzyp, eldiń bereketin ketiredi, qoǵamdy quldyratady;
2. Adamnyń ýaqytyn, mal-dúnıesin zaıa ketirip, qaryzǵa batyrady;
3. Ekonomıkaǵa keri áserin beredi, adamnyń ómirin tek ıllúzıamen shekteıdi;
4. Boıyn jalqaýlyqqa, masyldyqqa, jaýapsyzdyqqa úıretip, aqsha úshin aryn, namysyn satatyn tómen dárejege túsiredi;
5. Jeke tulǵanyń júıkesin tozdyryp, tipti ózine qol jumsaýǵa (sýısıdke) deıin alyp barady;
6. Qumar oıynnan utylǵan adamnyń óziniń serikterine degen kórealmaýshylyǵy, kekshildigi artady. Osylaısha aralarynda dushpandyq paıda bolyp, birin-biri óltirýge deıin barady. Qumar oıyny arqyly tapqan aqsha bireýdiń aqysyn jeý bolyp sanalady jáne adal bolmaıdy.
Eger oıynǵa qumar aralaspaǵannyń ózinde oǵan áýestigi qulshylyǵyna kedergi bolsa, ýaqytyn zaıa ketirse, psıhıkasy men bolmysyna zıan keltirse, ómirlik qajettilikterine tosqaýyl bolsa, sondaı-aq balaǵat sózder aıtyp, urys-tóbeleske alyp barsa, mundaı oıynǵa sharıǵatymyzda tyıym salynady.
1. Lýdomanıa (gemblıng, ıgromanıa) – haram.
2. Qulshylyqqa, otbasylyq jáne basqa da qoǵamdyq mindetterine kedergi keltiretin oıyn qumarlyqqa tyıym salynady.