Tuńǵysh ret adam kózine transplantasıa jasaldy
Naýqastyń kórý qabileti ázirge qalpyna kelmese de, dárigerler bul medısınadaǵy úlken jańalyq deıdi.
21 saǵatqa sozylǵan otaǵa 140-tan astam hırýrg qatysqan. Naýqas áli de biraz baqylaýda bolady.
Ol osydan 2 jyl buryn 7200 vólttyq toqqa túsip, onyń sol jaq betine, murny, aýzy, sol kózi men qolyna úlken zaqym kelgen eken.
- Kóz transplantasıasynyń ózi - alǵa jasalǵan úlken qadam. Bul ǵasyrlar boıy adamzat oıynda bolǵanymen, osy ýaqytqa deıin oryndalmaı kelgen is bolatyn. Kóz almasyn almastyrý arqyly kórý qabileti qalpyna kelmese de, jańa múmkindikterge jol ashylady, - deıdi hırýrg Edýardo Rodrıges.