2021 jyly elimizde 430,2 myń tonna maı óndirildi.
Bıylǵy 9 aıda, ótken jyldyń sáıkes kezeńimen salystyrǵanda elimizde ósimdik maıy 25,3% - ǵa artyq óndirilgen dep habarlaıdy Almaty-akshamy.kz Inbusiness.kz silteme jasap.
Energyprom.kz portalynyń dereginshe, óńirlik bóliniste eń kóp ónim óndirgen Shyǵys Qazaqstan oblysy, 181 myń tonna, jyl ishindegi ósim 16%. Jetekshi óńirler úshtiginde Abaı oblysy - 61,7 myń tonna jáne Shymkent qalasy, 41,6 myń tonna ónim alǵan, óndiris 29,1% azaıǵan.
Jalpy, 2021 jyly elimizde 430,2 myń tonna maı óndirildi, bir jyl burynǵydan 11,3%-ǵa az. Sektordaǵy óndiristiń 83,5% — y tazartylmaǵan (247,7 myń tonna, ótken jylmen salystyrǵanda 89,1% - ǵa artyq) jáne tazartylǵan (104,7 myń tonna, 4,6% azaıǵan) kúnbaǵys maıyna tıesili.
Ósimdik maıynyń basqa túrleriniń arasynda tazartylǵan jáne tazartylmaǵan raps maıy (bir jylda 9,9%, 23,6 myń tonnaǵa deıin ulǵaıdy) jáne maqsary maıy (2%, 1,4 myń tonnaǵa deıin artty) sıaqty sanattarda óndiris kólemi ósti.
Tazartylǵan jáne tazartylmaǵan soıa maıy (39,5% - ǵa, 8,8 myń tonnaǵa deıin), sondaı-aq maqta maıynyń (22,8% - ǵa, 6 myń tonnaǵa deıin) óndirisi aıtarlyqtaı qysqardy.
Bıylǵy qańtar-tamyz aılarynyń qorytyndysy boıynsha jergilikti kompanıalar ósimdik maıyna suranysty (ishki naryqta ótkizý jáne eksport) 81,2% - ǵa qamtamasyz etti. Bir jyl buryn qamtý - 78,4% edi.
Osy kezeńde jergilikti óndiris 19,3% - ǵa, 369,8 myń tonnaǵa deıin ósti. Import, kerisinshe, 0,2%, 85,4 myń tonnaǵa deıin qysqardy. Import úlesi 18,8% boldy, bir jyl buryn 21,6% bolǵan edi.
Esesine eksporty birden 1,9 esege, 201,4 myń tonnaǵa deıin ósip, 44,2% boldy, bir jyl buryn-26,6% edi. İshki naryqta ósimdik maılarynyń barlyq túrin satý 253,8 myń tonnany qurady, ótken jylmen salystyrǵanda 12,6% - ǵa az.
Jergilikti kompanıalar kúnbaǵys maıyna suranysty 82,7% - ǵa qamtamasyz etti, bir jyl buryn 79,2% edi. Import sáıkesinshe 17,3%-dy qurady.
Ýkraınadaǵy soǵysqa baılanysty jetkizý jelileri buzylǵannan elimiz úshin jańa eksporttyq baǵyttar paıda boldy. Shyǵys Qazaqstannyń maı óndirýshileri bıyl alǵash ret Eýropa naryǵyna shyqty. Ýkraına soǵysqa baılanysty kúnbaǵys maıyn óndirý basymdyǵynan aıyryldy, al Reseı sanksıalarǵa baılanysty ádettegi tutynýshylarynan aıyryldy. Endi bul taýashany Qazaqstan ıgerýde.
Aǵymdaǵy jyldyń qyrkúıeginde ósimdik maıynyń baǵasy bir jylda 16,6% - ǵa ósti. Onyń ishinde kúnbaǵys maıy jyldyq dınamıkada 16,4% — ǵa, záıtún maıy 22% - ǵa qymbattady.
Mańǵystaý oblysynyń turǵyndary ósimdik maıy baǵasynyń qymbattaǵanyn qatty sezdi: bir jylda 23,9% - ǵa ósti. Antılıderler úshtiginde Almaty oblysy (bir jylda 23,8%) jáne Almaty (23,4%) kirdi. Jyl ishinde ósimdik maıy baǵasy eń az ósken óńir – elorda, 7,1%-ǵa ósti.