Aǵymdaǵy táýlikte óńirlerde turǵyn úılerdi sý basýǵa jol berilgen joq.
Qazaqstannyń tótenshe jaǵdaılar jónindegi mamandary sý tasqynyna qarsy sharalardy júzege asyryp jatyr, dep habarlaıdy Almaty-akshamy.kz.
«Qazirgi ýaqytta Aqmola jáne Aqtóbe oblystaryndaǵy oblystyq mańyzy bar joldardyń 4 ýchaskesinde, Qaraǵandy, Aqmola, Aqtóbe, Qostanaı oblystaryndaǵy jergilikti mańyzy bar avtojoldardyń 11 ýchaskesinde, Aqtóbe oblysynyń jergilikti mańyzy bar ýchaskesindegi bir kópirde sý tasqyny bolyp jatyr», - delingen Tótenshe jaǵdaılar mınıstrliginiń baspasóz qyzmetiniń habarlamasynda.
Aqmola, Aqtóbe, Qaraǵandy oblystarynda, Nur-Sultan qalasynda jergilikti atqarýshy organdar men TJM kúshterimen aýla aýmaqtary men kóshelerden 126,6 myń tekshe metr erigen qar sýy soryldy. Aqmola, Shyǵys Qazaqstan, Aqtóbe, Qaraǵandy oblystarynda ınertti materıaldary bar 4 895 qap tóseldi.
Jumystarǵa TJM, İİM, jergilikti atqarýshy organdardan, úkimettik emes uıymdardan 657 adam, 156 birlik tehnıka, 74 sý sorý quraly jáne 5 júzý quraly jumyldyryldy.
Aqmola jáne Shyǵys Qazaqstan oblystarynda sý tasqynyna qarsy is-sharalarǵa (qaptar tóseý, topyraq úıip bekitilgen jerlerdi nyǵaıtý, erigen qar sýyn sorý) TJM 52859 jáne 68303 áskerı bólimderiniń 55 adamy men 6 birlik tehnıkasy tartyldy.
