Sáýirdiń 9 kúni Dımashtyń Dússeldorf qalasynda konserti ótedi.
Dússeldorf áýejaıynda Dımashty onyń shyǵarmashylyǵynyń jankúıerleri jyly qarsy aldy, dep habarlaıdy Almaty-akshamy.kz ánshiniń resmı saıtyna silteme jasap.
Erler men áıelder, jas, eresekter men balalar – búgin kóptegen jankúıerler Germanıaǵa alǵashqy jeke konsertin ótkizýge kelgen súıikti ánshini qarsy alý úshin jınaldy.
Ártis kelgenge deıin jankúıerler áýejaıda jınalyp óz áserlerimen almasty, Dımashtyń súıikti ánderin talqylady.
Chılı, Argentına, Germanıa, Ulybrıtanıa, Argentına, Avstralıa, Jańa Zelandıa, Brazılıa, Ispanıa, Nıderlandy, Kolýmbıa, Norvegıa jáne basqa elderdiń ókilderi óz tilderinde súıikti ártisti qýana qarsy aldy.
«Sálemetsiz be?», «Raqmet sizge!» degen ártúrli elderdiń jankúıerleriniń qazaq tilindegi sózderi erekshe áserli estildi.
Dımash jankúıerlerge qoldaý kórsetkenderi úshin úshin alǵysyn bildirdi, jaqynda qalyptasqan dástúr boıynsha jas jankúıermen syılyqtar almasty, birneshe qoltańba berdi.
Eske salaıyq, 9 sáýirde Dússeldorftyń «ISS Dome» stadıonynda Dımashtyń «ARNAU» týry aıasynda alǵashqy konserti ótedi.
Ártis óziniń konserttik týrynyń jańartylǵan baǵdarlamasyn usyný úshin Dears-pen kezdesýdi asyǵa kútedi.