Ekinshi deńgeıli bankterdiń naryqtyq ıpotekasy boıynsha syıaqy mólsherlemesin sýbsıdıalaý tetigin iske qosý usynylady.
Qazaqstan turǵyn úı kompanıasynyń kepildigimen ıpotekanyń jańa túri iske qosylýy múmkin, dep habarlaıdy Almaty-akshamy.kz QazAqparatqa silteme jasap.
Bul týraly «Báıterek» ulttyq basqarý holdıńiniń basqarma tóraǵasy Qanat Shalapaev aıtty.
«Zeınetaqy jınaqtarynyń turǵyn úıge jumsaýǵa bolatyn shekti mólsheriniń ósýine jáne kelesi jyly «7-20-25» baǵdarlamasynyń aıaqtalýyna baılanysty 500 mlrd teńge ıpotekaǵa nemese 35 myń páterge degen suranystyń tómen bolýy boljanýda.
Jeke qurylys salýshylardyń komersıalyq turǵyn úıdi satý jyldamdyǵy aıtarlyqtaı tómendeýi múmkin.
Suranystyń ótelmeýine jol bermeý maqsatynda halyq úshin Ekinshi deńgeıli bankterdiń naryqtyq ıpotekasy boıynsha syıaqy mólsherlemesin sýbsıdıalaý tetigin iske qosý usynylady», - dedi ol Úkimet otyrysynda.
Aıtýynsha, Qazaqstan Qarjygerler qaýymdastyǵymen júrgizilgen kelissózder nátıjesinde mynadaı bazalyq sharttar usynylyp otyr. Ol usynystar mynadaı:
- bastapqy jarna 20 paıyzdan bastalatyn;
- kredıt berý merzimi 20 jylǵa deıin bolatyn;
- qaryzdyń eń joǵarǵy somasy 35 mln teńgege deıin jetetin;
- tólem qabilettiligin mindetti túrde rastaýdy qajet etetin ıpotekany iske qosý.
«Ulttyq banktiń bazalyq mólsherlemesiniń deńgeıinen 5%-dan aspaıtyn ıpoteka boıynsha syıaqy mólsherlemesiniń 7% sýbsıdıalanady. Ekinshi deńgeıli bankter óz qarajaty esebinen qurylys salýshylardyń bastapqy turǵyn úıine jáne Qazaqstan turǵyn úı kompanıasynyń kepildigimen qamtamasyz etilgen salynyp jatqan turǵyn úıge qaryz bere alady. Osy baǵdarlamany iske qosý úshin zańnamalyq ózgerister qajet emes. Qazirgi ýaqytta búdjettik ótinim Qarjy mınıstrliginiń qaraýynda. Búdjet maquldanǵannan keıin, Qazaqstandyq turǵyn úı kompanıasy osy baǵdarlamany dereý iske qosýǵa daıyn», - dedi Qanat Shalapaev.
Aıta keteıik, Úkimet otyrysynda Premer-Mınıstr arendalyq turǵyn úıdi satyp alýdaǵy zańnama qaıshylyǵyn sheshýdi tapsyrdy.