Kúrdeli otalardy jasaı otyryp, profesor jergilikti dárigerlermen kóp jyldyq tájirıbesimen bólisti.
Medısına ǵylymdarynyń doktory, 38 jyldyq tájirıbesi bar Nurlan Aryn balalarǵa kúrdeli operasıalardy tegin júrgizý úshin Taldyqorǵan qalasyna keldi, dep habarlaıdy Almaty-akshamy.kz Baq.kz silteme jasap.
Balalar aýrýhanasynda ol «ókpe jáne baýyr ehınokokkozy, kolostoma, toq ishek anastomozy»dıagnozymen jatqan 7 jastan 16 jasqa deıingi balalarǵa sátti ota jasady.
«Qurmetti jerlester, jetisýlyqtar! Men óz jerimde bolǵanyma óte qýanyshtymyn. Munda birinshi ret jáne sońǵy ret operasıa jasaýǵa kelip turǵanym joq. Osy jyldyń Balalar jyly retinde jarıalanǵanyn eskere otyryp, biz balalarǵa qaıyrymdylyq operasıalaryn júrgizýdi uıǵardyq. Bári sátti ótedi dep senemin. Bizdiń balalarymyz aýyrmasyn, deni saý bolsyn», - dedi Nurlan Aryn.
Uıymdastyrýshylardyń málimetinshe, Balalar jyly aıasynda Jetisý oblysynyń balalaryna konsýltatıvtik-dıagnostıkalyq jáne hırýrgıalyq medısınalyq kómek kórsetiledi.
Esterińizge sala keteıik, profesor Nurlan Arynov «Týǵan elge taǵzym» aıasynda oblystyń medısınalyq mekemelerinde sheberlik sabaǵyn ótkizedi. Osy ýaqytqa deıin Nurlan Muhtaruly 25 myńnan astam operasıa jasaǵan. Onyń ishinde 1,5 myńnan astamy - qaıyrymdylyq operasıalary. Dáriger - sonymen qatar 300 ǵylymı maqala men 7 monografıanyń avtory.
Aıta ketý kerek, balalardyń ota aldyndaǵy daıyndyǵy bir apta buryn bastaldy.