Mádenıet jáne aqparat mınıstri Aıda Balaeva Mońǵolıanyń Qazaqstandaǵy elshisi Dorj Baıarhýýmen kezdesti, dep habarlady mınıstrliktiń baspasóz qyzmeti.
Kezdesý barysynda Aıda Balaeva vedomstvo mádenıet, aqparat, din salasy boıynsha jáne memleket pen azamattyq qoǵam arasyndaǵy ózara áreket etýiniń tıimdi modelin qurý, memlekettik jastar jáne otbasylyq saıasatty iske asyrý, sondaı-aq etnosaralyq kelisim salasynda jumys istelip jatqanyn habarlady.
Dorj Baıarhýý Mońǵolıa úshin medıasferadaǵy yntymaqtastyq erekshe qyzyǵýshylyq týdyratynyn jetkizdi. Osyǵan baılanysty, «Habar» agenttigi jáne «Qazaqparat» halyqaralyq aqparattyq agenttigi iri mońǵolıalyq BAQ-pen memorandýmdarǵa qol qoıdy. Birlesip, derekti, kórkem, anımasıalyq fılmder, serıaldar shyǵarý, sondaı-aq eki eldiń tarıhı-mádenı murasyn zertteýge arnalǵan ekspedısıa qurý úshin yntymaqtastyq múmkindikteri talqylandy.
Kezdesý sońynda taraptar mádenı-gýmanıtarlyq salada birlesip jospar daıyndaýǵa kelisti. Ony iske asyrý ekijaqty qarym-qatynasty jańa deńgeıge shyǵarýǵa múmkindik beredi.