QR Áleýmettik kodeks qoldanysqa engizgeli 2023 jylǵy 1 shildede elimizde memlekettik áleýmettik qorǵaý ınspektorlarynyń ınstıtýty engizildi, onyń quzyretine múgedektigi bar adamdardy áleýmettik qorǵaý, arnaýly áleýmettik qyzmetter kórsetý jáne áleýmettik qamsyzdandyrý salasyndaǵy zańnamanyń saqtalýyn baqylaýdy júzege asyrý kiredi.
2024 jyldyń basynan beri áleýmettik ınspektorlar 1201 tekserý júrgizdi, onyń 269-y profılaktıkalyq baqylaý sheńberinde, 668-i prokýratýranyń talaby boıynsha júrgizildi, dep habarlaıdy Almaty-akshamy.kz QR Eńbek jáne halyqty áleýmettik qorǵaý mınıstrligine silteme jasap.
Memlekettik baqylaýmen: ákimdikter – 57, dárihanalar – 10, arnaýly áleýmettik qyzmetter kórsetý ortalyqtary – 34, DK – 21, mektepter – 650, dúkender – 9, jergilikti atqarýshy organdar basqarmalary – 26, mádenıet úıleri – 6, muraǵat, murajaılar – 6, bank fılıaly – 4, balabaqshalar – 1, kolejder, lıseıler – 3, kafe, meıramhanalar, qonaq úıler – 3, notarıýs – 1, memlekettik mekemeler – 10, aýrýhanalar men emhanalar – 15, sanatorııler – 2, saýda úıleri – 7, qazposhta fılıaldary – 3, polısıa pýnktteri – 3, stomatologıa – 2, ońaltý ortalyqtary – 2, avtobýs parki – 1, kitaphana – 1, BJSM – 1 jáne basqalar.
Osylaısha, Eńbek jáne áleýmettik qorǵaý komıtetiniń Soltústik Qazaqstan oblysy boıynsha departamenti birinshi toptaǵy múgedektigi bar adamnyń ótinishi negizinde erekshe qajettilikteri bar adamdar úshin qoljetimdiliktiń bolmaýy faktisi boıynsha dárihana men saýda úıine jospardan tys tekserýler júrgizdi. Tekserý nátıjeleri boıynsha kásipkerlik sýbektileri aıyppul túrinde ákimshilik jaýapkershilikke tartyldy, anyqtalǵan buzýshylyqtardy joıý týraly nusqama engizildi.
Sonymen qatar, óńirlerdegi áleýmettik ınspektorlar múgedektigi bar adamdardyń zańdy quqyqtaryn qamtamasyz etý úshin áleýmettik ınfraqurylym obektileriniń beıimdelý is-sharalaryn júrgizýde oń dınamıkany atap ótti.
Máselen, Jetisý oblysynyń turǵyny, birinshi toptaǵy múgedek Vadım Drýzınniń aıtýynsha, menshik ıeleri nysandardy qurylys normalaryna sáıkes keltirýge tyrysýda.
«Kóptegen kásipkerler, sol sıaqty memlekettik mekemeler múgedektigi bar adamdardyń shaǵymdary men usynystaryn eskere otyryp, kireberisterdi qaıta qaraýda. Nazarbaev k-si, 81 mekenjaıynda ornalasqan «GÝM» saýda úıine barǵan kezde ol múgedektigi bar adamdar úshin qol jetimdiligine tań qaldy. Sondaı-aq jaqynda KMF Banktiń bólimshesine bardy, onda kireberister qaıta jańartylyp, kirý alańy keńeıtildi, kreslo-arbadaǵy múgedektigi bar adamdarǵa arnalǵan arnaıy kasa, taktıldi taqtaıshalar men kórsetkishter ornatyldy. Bul qala turǵyndary, onyń ishinde bizder kóp baratyn oryndar», – dedi er adam.
Sonymen qatar, QR Eńbekmıni Eńbek jáne áleýmettik qorǵaý komıtetiniń aýmaqtyq departamentteri 2024 jylǵy 1-toqsanda 854 tekserý júrgizip, anyqtalǵan buzýshylyqtardy joıý týraly 372 uıǵarym berdi, 81,2 mln teńgeden astam somaǵa 344 aıyppul saldy.