Bıyl oraldyq klýb birinshi lıgada dop tebedi
Búgin fýtboldan Qazaqstan kýbogy 1/8 fınalynda almatylyq «Qaırat» Oraldyń «Aqjaıyǵynan» basym tústi, dep habarlaıdy Almaty-akshamy.kz QazAqparatqa silteme jasap.
Almatylyq «Qaırat» óz alańynda Oraldyń «Aqjaıyǵymen» kezdesti.
Bıyl oraldyq klýb birinshi lıgada dop tebedi. Al «Qaırat» negizinen óz akademıasynda tárbıelenip shyqqan túlekterge senim artyp júrgeni belgili.
Oıyn barysynda komandalar shabýylǵa kóshti. Degenmen birinshi kezeńde tablodaǵy esepke ózgeris engen joq.
Ekinshi kezeńde oraldyq klýbtan Evgenıı Kobzar 56-shy mınýtta «Qaırattyń» qaqpashysyn qapy qaldyryp ketti. Al «Qaırat» sapynan Dmıtrıı Sergeev 66-shy, Artýr Shýshenachev 68-shi mınýtta eki gol soǵyp ketti.
Osylaısha «Qaırat» qarsylasynan 2:1 esebimen basym tústi.
Taǵy bir kezdesýde Qostanaıdyń «Tobyly» óz alańynda Pavlodar oblysynyń «Aqsýymen» sheberlik baıqasýda. Birinshi kezeńnen keıin qostanaılyq klýbtan 1:0 esebimen basym túsýde. Olardyń qatarynan Ivan Rogach 22-mınýtta mergendik tanytty.