11 óńirinde tuman, kóktaıǵaq
20 sáýirde Astanada jáne elimizdiń 11 oblysynda qolaısyz aýa raıyna baılanysty eskertý jarıalandy, dep habarlaıdy Almaty-akshamy.kz "Qazgıdromet" RMK baspasóz qyzmetine silteme jasaı otyryp.
Astanada tuman túsip, kóktaıǵaq bolady dep boljanady.
Kúndiz Qostanaı oblysynyń soltústiginde, batysynda naızaǵaı oınaıdy dep kútiledi. Oblystyń ońtústigin tuman basady.
Kúndiz Qyzylorda oblysynyń shyǵysynda, ortalyǵynda shańdy daýyl turady. Kúndiz oblystyń shyǵysynda, ortalyǵynda shyǵystan 15-20 m/s jyldamdyqpen jel soǵady, túnde oblystyń soltústiginde topyraq beti qatyp, úsik júredi, synap baǵany -1 gradýs sýyqty kórsetedi. Qyzylordada kúndiz shańdy daýyl turady. Kúndiz shyǵystan soqqan jeldiń ekpini 15-20 m/s quraıdy.
Aqmola oblysynyń soltústiginde, shyǵysynda, ortalyǵynda tuman, kóktaıǵaq bolady dep boljanady.
Jetisý oblysynyń Alakól aýdanynda soltústik-shyǵystan soqqan jeldiń ekpini 15-20 m/s quraıdy. Túnde oblystyń basym bóliginde synap baǵany -2-7 gradýsqa deıin tómendep, kún sýyq bolady. Taldyqorǵanda túnde -3-5S°aıaz bolady.
Batys Qazaqstan oblysynyń batysynda, ońtústiginde ońtústik-shyǵystan soqqan jeldiń ekpini 15-20 m/s quraıdy.
Mańǵystaý oblysynyń batysynda, ońtústiginde, ortalyǵynda shańdy daýyl turady dep boljanady. oblystyń ortalyǵynda, ońtústiginde, batysynda ońtústik-shyǵystan soqqan jeldiń ekpini 15-20 m/s bolady. Aqtaýda shańdy daýyl turady. Ońtústik-shyǵystan soqqan jeldiń ekpini - 15-20 m/s.
Túnde jáne tańerteń Ulytaý oblysynyń soltústiginde, shyǵysynda tuman bolady.
Atyraý oblysynyń batysynda, shyǵysynda ońtústik-shyǵystan jel soǵady, kúndizgi ekpini - 15-20 m/s.
Túnde jáne tańerteń Qaraǵandy oblysynyń ortalyǵynda, soltústiginde tuman bolady. Qaraǵandyda túnde jáne tańerteń tuman túsedi.
Túnde jáne tańerteń Pavlodar oblysynyń batysynda, ońtústiginde tuman túsedi dep boljanady.
Túrkistan oblysynyń soltústiginde shańdy daýyl turady. Oblystyń taýly aýdandarynda, soltústiginde shyǵystan, ońtústik-shyǵystan 15-20 m/s jyldamdyqpen jel soǵady.