Bul týraly QR Energetıka mınıstri Bolat Aqsholaqov málimdedi.
Mınıstr eksportty bastaý úshin Reseıdiń jaýaby kerek ekenin aıtty, dep habarlaıdy Almaty-akshamy.kz
Óıtkeni munaı osy eldiń aýmaǵy arqyly tasymaldanady.
Úkimet otyrysynda QR Energetıka mınıstri Bolat Aqsholaqov qazaqstandyq munaıdy Germanıaǵa eksporttaý múmkindigine qatysty pikir bildirdi, dep habarlaıdy Zakon.kz.
Onyń aıtýynsha, endi jylyna 1,5 mıllıon tonnaǵa deıin eksporttaý josparlanyp otyr.
«Biz alty mıllıonǵa deıin eksporttaı alamyz. Biraq Germanıanyń qajettiligi, árıne, joǵary. Biz Reseı Federasıasyndaǵy áriptesterden resmı rastaýdy kúttik, óıtkeni olardyń shekarasy arqyly ótedi. Biz aýyzsha rastaýdy aldyq. Menińshe, eshqandaı problema bolmaıdy», - dedi Bolat Aqsholaqov.
Mınıstr eksportqa jetkilikti qýat bolatynyna senimdi.
«Bizde jaýap aýyzsha, áli jazbasha túrde joq. Bul nárse qıynǵa soqpaıdy dep oılaımyn, qýaty jetkilikti. Eń bastysy, tutynýshylar qabyldap alady. Bizde Reseı Federasıasymen jetkizýge qatysty úlken problemalar bolǵan emes. Jalpy alǵanda, bul jylyna 1,5 mıllıonǵa deıin jetýi múmkin. Biraq biz bere alatyn eń kóbi jylyna 6 mıllıon tonna», - dedi ol.
Bolat Aqsholaqovtyń aıtýynsha, birinshi partıa rastaý alǵan boıda jóneltiledi jáne kólik uıymdary da tıisti kelisimderge qol qoıýy qajet.