4 qańtarda Prezıdent Úkimet quramyn jańartty.
Búgingi ótken Úkimet otyrysynda jańa taǵaıyndalǵan mınıstrler ant berdi, dep habarlaıdy Almaty-akshamy.kz
Ǵalymjan Qoıshybaev Qazaqstan Premer-Mınıstriniń orynbasary – Úkimet apparatynyń basshysy laýazymyna taǵaıyndaldy.
Zúlfıa Súleımenova Serikqalı Brekeshevtiń ornyna keldi. Ol qaıta qurylǵan Ekologıa jáne tabıǵı resýrstar mınıstrligin basqarady. Aıta keteri, 32 jastaǵy Súleımenova - Úkimettegi eń jas mınıstr.
Indýstrıa jáne ınfraqurylymdyq damý mınıstrligine Qaıyrbek Óskenbaevtyń ornyna Marat Qarabaev keldi.
Oqý-aǵartý mınıstri bolǵan Asqat Aımaǵambetovti Ǵanı Beısembaev almastyrdy. 1990 jylǵy Asqat Oralov Mádenıet jáne sport mınıstri bolyp taǵaıyndaldy.
43 jastaǵy Azamat Esqaraev Ádilet mınıstri bolyp taǵaıyndaldy, buǵan deıin bul qyzmetti Qanat Mýsın atqardy.
Ádilet mınıstri Azamat Esqaraev, Indýstrıa jáne ınfraqurylymdyq damý mınıstri Marat Qarabaev, Ekologıa jáne geologıa mınıstri Zúlfıa Súleımenova, Oqý-aǵartý mınıstri Ǵanı Beısembaev, Mádenıet jáne sport mınıstri Asqat Oralov ant berdi.
«Qazaqstan halqy men Prezıdenti aldynda óz Otanym – Qazaqstannyń ekonomıkalyq jáne rýhanı damý isine barlyq kúsh-jigerim men bilimimdi jumsaýǵa, memlekettiń Konstıtýsıasy men zańdaryn qatań saqtaýǵa, ózimniń is-áreketimde zańdylyq pen ádilettilik, azamattyq, ultaralyq jáne konfesıaaralyq tatýlyq prınsıpterin ustanýǵa, Qazaqstan halqyna adal qyzmet etýge, óz elimniń memlekettiligi men dúnıejúzilik qoǵamdastyqtaǵy bedelin nyǵaıta berýge ant etemin», - delingen mınıstrler bergen ant mátininde.