Eksport 5%-ǵa ósip, $1,9 mlrd qurady.
Qazaqstan men Fransıa arasyndaǵy taýar aınalymy 2022 jylǵy qańtar-qyrkúıekte 2,5 mlrd dollardy qurady. Ótken jyldyń sáıkes kezeńinde bul kórsetkish 2,3 mlrd dollar bolǵan. Bul týraly Almaty-akshamy.kz Ulttyq ekonomıka mınıstrligine silteme jasap habarlaıdy.
2022 jylǵy qańtar-qyrkúıekte Qazaqstannan Fransıaǵa eksport 5%-ǵa ósip, $1,9 mlrd qurady.
Qazaqstannan Fransıaǵa eksporttalatyn negizgi taýarlar: shıki munaı - $1,7 mlrd (úlesi 89,8%), ýran - $146,5 mln (7,6%), tıtan jáne odan jasalǵan buıymdar - $28 mln (1,5%), kúkirt - $10,2 mln (0,53%), sýtegi, ınertti gazdar jáne basqa beımetalldar - $1,9 mln (0,1%), elektr qozǵaltqyshtary men generatorlary - $1,3 mln (0,07%).
2022 jylǵy qańtar-qyrkúıekte Fransıadan Qazaqstanǵa ımport 8,1%-ǵa ósip, $512,6 mln qurady.
Fransıadan Qazaqstanǵa ımporttalatyn negizgi taýarlar: vaksınalar, qannyń sarysýy, qan - $40,5 mln (úlesi 7,9%), týrboreaktıvti jáne týrbovıntti qozǵaltqyshtar, ózge de gaz týrbınalar - $36,9 mln (7,2%), bólshek saýda úshin býyp-túıilgen dárilik zattar - $36,7 mln (7,2%), kómir elektrodtary - $22,4 mln (4,4%), radıolokasıalyq, radıonavıgasıalyq aparatýra - $17,1 mln (3,3%), elektr transformatorlary - $15,1 mln (2,9%), hosh ıisti zattardyń qospalary - $12,7 mln (2,5%), gerbısıdter - $11,9 mln (2,3%).