Mamandar qujattyń erekshelikteri týraly aıtty.
Qazaqstanda kóshi-qon saıasatynyń jańa tujyrymdamasy bekitildi, dep habarlaıdy Almaty-akshamy.kz QazTag silteme jasap.
«Tujyrymdamada «bir tereze» qaǵıdaty boıynsha mıgranttardyń qozǵalysyn esepke alýdyń biryńǵaı aqparattyq júıesin qurý kózdelgen. Ol mıgranttardy sıfrlyq sáıkestendirýge, qajet bolǵan jaǵdaıda, olardyń júrip-turýyn baqylaýǵa múmkindik beredi»,- dedi Premer-Mınıstr Álıhan Smaıylov seısenbi kúni.
Bul sanattaǵy kadrlarǵa on jyldyq «Ǵylymı-pedagogıkalyq vıza» berýdiń ońaılatylǵan tártibin engizý kózdelip otyr.
«Olarǵa Qazaqstanda turaqty turý úshin yqtıarhat alý, odan keıin azamattyq alý múmkindikteri qarastyrylady. Dál osyndaı múmkindikti tapshy mamandyqtar boıynsha oqıtyn sheteldik stýdentter qatarynan magıstranttar men bakalavrlarǵa da berý qarastyrylǵan», - dedi Tamara Dúısenova.
Mınıstrdiń aıtýynsha, «Ashyq Qazaqstan 500+» atty kóshi-qon saıasatynyń jańa tujyrymdamasynyń birinshi baǵyty – Qazaqstandy óńirlik bilim berý habyna aınaldyrýdy kózdeıtin bilim berý ımıgrasıasy.
«Bul baǵyttaǵy jumys joǵary oqý oryndarynyń profesor-oqytýshylar quramyn kúsheıtýge jáne bilim berý sapasyn arttyrýǵa arnalǵan. Ol úshin 100 úzdik oqytýshy men suranysqa ıe tehnologıalar boıynsha ǵalymdardy Qazaqstanǵa tartý usynylady»,- dep málimdedi Dúısenova.