Kómek quny 9,2 mıllıon dollar.
Bul týraly Qasym-Jomart Toqaev Rımge resmı sapary aıasynda BUU Dúnıejúzilik azyq-túlik baǵdarlamasynyń atqarýshy dırektory Sındı Makkeınmen kezdesýinde aıtty, dep habarlaıdy Almaty-akshamy.kz
Prezıdent búgingi kezdesý jahandyq azyq-túlik qaýipsizdigi máselesin sheshýge baǵyttalǵan Qazaqstan men atalǵan uıym arasyndaǵy seriktestikti talqylaýǵa zor múmkindik beretinin atap ótti.
Memleket basshysy elimizdiń jahandyq azyq-túlik qaýipsizdigin qamtamasyz etý jáne BUU, Azyq-túlik qaýipsizdigi jónindegi Islam uıymy sekildi basqa da halyqaralyq uıymdar aıasynda gýmanıtarlyq kómek kórsetý boıynsha júzege asyryp jatqan sharalary jaıynda aıtty.
2023 jyly Qazaqstan alty memleketke 9,2 mıllıon dollar kóleminde gýmanıtarlyq kómek kórsetti. Elimiz Gaza sektoryndaǵy kúrdeli ahýaldy eskere otyryp, Palestına halqyna qaıyrymdylyq sharasy retinde 1 mıllıon dollar bóldi jáne 2 ret gýmanıtarlyq kómek jetkizdi. Sondaı-aq tabıǵı apattan zardap shekken Aýǵanstan, Túrkıa, Pákistan jáne basqa da elderge qarjylaı kómek kórsetti.