Almaty qalasynda 20 qańtar kúni saǵat 01:30-da bastalǵan qar kúndiz de jaýady dep boljanyp otyr. Saǵat 08:00-degi jaǵdaı boıynsha qalaǵa qalyńdyǵy 8 sm qar tústi, dep habarlaıdy Almaty-akshamy.kzKomýnaldyq ınfraqurylymdy damytý basqarmasyna silteme jasap.
Qar jaýa bastaǵan sátten bastap 146 qum taratqysh arqyly kóshelerge kóktaıǵaqqa qarsy materıaldar sebiledi. 2033 tonna KQM paıdalanyldy.
Saǵat 05:30-dan kezekshi jol polısıasy mashınalarynyń erip júrýimen 13 kolonna tehnıka qar kúreýdi bastady.
Saǵat 06:00-den bastap trotýarlardy, jalpy paıdalaný oryndaryn mehanıkalandyrylǵan tazalaý jumystary uıymdastyryldy. Qoǵamdyq kólik aıaldamalary men jer ústi ótkelderi qolmen kúreldi.
Túngi ýaqytta qar shyǵarýǵa 27 qar tıegish pen 75 ózi túsirgish júk kóligi jumyldyryldy. 17 qańtarda jaýǵan qarǵa kelsek, saǵat 08:00-degi jaǵdaı boıynsha 24224 m3 qar shyǵaryldy, bul 2422 reıs ózi túsirgish júk kóligi degen sóz.
Qar kúreýge túnde 436 birlik tehnıka men 219 jumysshy tartyldy. Saǵat 08:00-den bastap 423 birlik arnaıy tehnıka jáne 1008 jumysshy jumyldyryldy.
Aýdan ákimdikterinde jumysty baqylaý úshin táýlik boıy kezekshilik uıymdastyryldy.
«Qazgıdromet» RMK boljamynsha búgin túske deıin ara-tura qar jaýady. Soltústik-shyǵystan 2-7 m/s. jel soǵady, kúndiz aýa temperatýrasy -3...-5° bolady.