Bul samıt klımattyq qarjylandyrý máselelerine arnalady.
2024 jylǵy qarashada Bakýda BUU-nyń Klımattyń ózgerýi týraly negizdemelik konvensıasy (COP29) taraptary konferensıasynyń 29-shy sesıasy ótedi, dep habarlaıdy Almaty-akshamy.kz
Bul týraly QR Prezıdentiniń keńesshisi – Prezıdenttiń halyqaralyq ekologıalyq yntymaqtastyq jónindegi arnaýly ókili Zúlfıa Súleımenovanyń Ázerbaıjanǵa jumys sapary barysynda aıtyldy.
Konferensıa Konvensıanyń sheshim qabyldaıtyn joǵary organy bolyp sanalady. Jyl saıyn álemniń túkpir-túkpirinen kelgen úkimetterdiń ókilderi Konferensıaǵa jınalyp, klımattyń ózgerýin boldyrmaý jáne onyń saldaryn joıý jónindegi jumysta kúshterin biriktiredi.
Sapar aıasynda Zúlfıa Súleımenova jáne Qazaqstannyń Ázerbaıjandaǵy Elshisi Álim Baıel Ázerbaıjan Prezıdentiniń syrtqy saıasat máseleleri jónindegi kómekshisi H. Gadjıev, Energetıka mınıstri P. Shahbazov, Ekologıa jáne tabıǵı resýrstar mınıstri, SOR29 prezıdenti M.Babaev, Mıllı Májilis depýtaty, COP29-daǵy BUU-nyń klımat jónindegi joǵary deńgeıdegi kóshbasshysy N. Arpadaraı, Syrtqy ister mınıstriniń orynbasary, COP29 bas kelissóz júrgizýshisi Ia.Rafıevpen kezdesýler ótkizdi. Kezdesýler barysynda COP29-ǵa daıyndyq máseleleri talqylandy.
Z. Súleımanova Ázerbaıjandy osyndaı mańyzdy is-sharanyń ótkizilýimen quttyqtap, Qazaqstannyń qoldaý kórsetýge jáne tyǵyz yntymaqtastyqqa daıyn ekenin bildirdi.
Óz kezeginde ázerbaıjandyq áriptester Qazaqstanǵa qoldaýy úshin alǵys bildirip, COP29 tóraǵalyǵy aıasyndaǵy Ázerbaıjannyń basymdyqtary men bastamalary, osy bedeldi is-sharaǵa daıyndyq jumystary, memlekettermen jáne halyqaralyq uıymdarmen kelissózder prosesi týraly aqparat berdi.
Kezdesýler barysynda taraptar damýdyń ekologıalyq úlgisine kóshý boıynsha tájirıbe almasty. Atap aıtqanda, ázerbaıjandyq áriptester ekologıalyq taza energıa óndirý boıynsha, onyń ishinde Qarabaq óńirinde júrgizilip jatqan jumystar týraly aıtyp berdi. Jasyl elektr energıasyn Eýropaǵa eksporttaý maqsatynda Qara jáne Kaspıı teńizderiniń túbimen elektr kabelderin ótkizý elderimizdiń jasyl kún tártibin ilgeriletýge qosqan eleýli úlesi bolatyny atalyp ótti.
QR Prezıdentiniń keńesshisi Qazaqstan kóshbasshysynyń qorshaǵan ortany qorǵaý máselelerine erekshe nazar aýdaratynyn aıtyp, ázerbaıjan tarapyn Qazaqstannyń jasyl energetıkaǵa kóshý jónindegi bastamalary týraly, onyń ishinde Almatyda qurylyp jatqan Ortalyq Azıa elderiniń klımat jáne jasyl energetıka máseleleri jónindegi jobalyq keńsesi týraly habardar etti. Bul keńse sheńberinde jobalar portfelin qalyptastyrý bastaldy. SOR29-daǵy Ázerbaıjan tóraǵalyǵyn qoldaý maqsatynda Z. Súleımenova klımattyń ózgerýine qarsy kúres boıynsha birlesken jobalardy ázirleýdi usyndy. Ázerbaıjandyq áriptester usynysty qoldap, Qazaqstannyń ekologıalyq bastamalardy ilgeriletýdegi jáne tıisti zańnamany qalyptastyrýdaǵy eleýli jetistikterin atap ótti.