Zardap shekkenderdiń tezirek saýyǵyp ketýine tilektestigin bildirdi.
Qazaqstan Prezıdenti Qasym-Jomart Toqaev AQSH Prezıdenti Djozef Baıdenge kóńil aıtý jedelhatyn joldady, dep habarlaıdy Almaty-akshamy.kz Aqordaǵa siteme jasap.
Memleket basshysy Amerıka Qurama Shtattarynyń Prezıdenti Djozef Baıdenge Tehas shtatynyń Ývalde qalasyndaǵy Robb bastaýysh mektebinde bolǵan atys saldarynan mektep oqýshylary men basqa da azamattardyń qaza bolýyna baılanysty kóńil aıtý jedelhatyn joldady.
«Qazaqstan halqynyń jáne jeke óz atymnan qaza tapqandardyń otbasylaryna shyn júrekten kóńil aıtamyn jáne zardap shekkenderdiń tezirek saýyǵyp ketýine tilektespin. Men tehastyqtardyń jáne sizdiń barlyq otandasyńyzdyń qaıǵysyna ortaqtasamyn», – delingen Qazaqstan Prezıdentiniń jedelhatynda.