400-den astam tulǵadan 22 myń teńgege deıin memlekettik baj negizsiz alynǵan.
Almaty HQKO-larynda múgedekterden, jetimderden jáne kóp balaly analardan zańsyz aqsha alyndy, dep habarlaıdy Tengrinews.kz tilshisi.
Qadaǵalaý organynyń qyzmetkerleri halyqtyń áleýmettik osal toptarynan qujattandyrý qyzmetteri úshin memlekettik baj alý zańyna taldaý júrgizdi.
QR «Salyq jáne búdjetke tólenetin basqa da mindetti tólemder týraly» kodeksiniń 622-babyna sáıkes, Qazaqstan Respýblıkasy azamattarynyń tólqujattary men jeke kýálikteri, sondaı-aq shetel azamatynyń Qazaqstan Respýblıkasynda turýyna yqtıarhat jáne azamattyǵy joq adamnyń kýálikteri berilgen kezinde adamdardyń belgili bir sanaty memlekettik baj tóleýden bosatylady. Olardyń qataryna:
UOS ardagerleri, olarǵa teńestirilgen adamdar;
múgedekter;
qarttar men múgedekterge arnalǵan jalpy úlgidegi medısınalyq-áleýmettik mekemelerde turatyn qarttar;
balalar úılerinde jáne (nemese) ınternattarda turatyn jetim balalar men ata-anasynyń qamqorlyǵynsyz qalǵan balalar;
jetim balalar men ata-anasynyń qamqorlyǵynsyz qalǵan balalar;
«Batyr Ana» ataǵyna ıe bolǵan, «Altyn alqa» jáne «Kúmis alqa» alqalarymen nagradtalǵan kóp balaly analar jatady», - dep túsindirdi vedomstvo ókilderi.
Qadaǵalaý organy HQKO-da áleýmettik osal sanattaǵy 400-den astam tulǵadan 22 myń teńgege deıin memlekettik baj negizsiz alynǵanyn anyqtady.
«Almaly aýdanynyń prokýratýrasy «Azamattarǵa arnalǵan úkimet» KEAQ atyna zańdylyqty buzýshylyqty joıý týraly usyný engizdi. Ony qaraý qorytyndysy boıynsha aqshany qaıtarý boıynsha sharalar qabyldanýda, KEAQ basshylyǵy tártiptik jaýapkershilikke tartyldy», - dedi Almaty prokýratýrasy.