Memleketimizdiń ataýyn ózgertý jaýapsyz sheshim bolar edi.
QR Prezıdenti Qasym-Jomart Toqaev Ulytaý tórinde ótip jatqan Ulttyq quryltaıdyń alǵashqy otyrysynda Qazaqstan Respýblıkasynyń resmı ataýyn ózgertý týraly pikir bildirdi, dep habarlaıdy Almaty-akshamy.kz QazAqparatqa silteme jasap.
Prezıdent Qasym-Jomart Toqaev «Ekinshi respýblıka» uǵymy qoldanysqa engeli eldiń resmı ataýyn ózgertý týraly usynystar jıi aıtylyp ketkenin atap ótti.
«Stan» sózin elimizge de, búkil Azıaǵa da jat uǵym dep sanaıdy. Muny da qısyndy dep aıtýǵa bolmaıdy. Sebebi, álemde dál osyndaı Pákistan, Úndistan, Aýǵanstan jáne Ortalyq Azıa memleketteri bar», - dedi Prezıdent.
Memleket basshysy elimiz osyǵan deıin «Qazaqstan Respýblıkasy» ataýymen óz tarıhyndaǵy mańyzdy kelisimderge qol qoıǵanyn eske saldy.
«Eń basty másele – biz táýelsiz elimiz Qazaqstan Respýblıkasy atynan 30 jyl ishinde kóptegen halyqaralyq kelisimsharttarǵa qol qoıdyq. Memlekettik shekaramyzdy bekittik. Osyndaı jaǵdaıda memleketimizdiń ataýyn ózgertý jaýapsyz sheshim bolar edi. Bul, eń aldymen ulttyq qaýipsizdigimizge jáne halqymyzdyń beıbit ómirine tikeleı áseri bar óte mańyzdy másele», - dedi Memleket basshysy.