Ulytaýda Ulttyq quryltaıdyń alǵashqy jıyny ótip jatyr.
Alqaly jıyndy ashqan Prezıdent Qasym-Jomart Toqaev Ulytaý óńiriniń áleýmettik-ekonomıkalyq mán-mańyzyna toqtaldy, dep habarlaıdy Almaty-akshamy.kz
Memleket basshysynyń Jarlyǵymen bul óńirde jańa oblys qurylǵanyn esterińizge sala keteıik.
"Qasıetti ólkeniń ataýyn jańǵyrtyp, ony Ulytaý dep atadyq. Derbes oblys mártebesi osy aımaqty tyń serpinmen damytýǵa múmkindik beredi. Jumys oryndary ashylyp, halyqtyń ál-aýqaty jaqsara túsedi dep oılaımyn", - dedi Prezıdent Qasym-Jomart Toqaev.
Prezıdent munda jańa nysandar, solardyń ishinde áleýmettik keshender boı kóterip, týrısik áleýeti artatynyn aıtty.
"Oblystyń alǵashqy qadamy alqaly jıynnan bastalýda. Ult uıasy – Ulytaýdyń ǵasyrlar boıǵy uly mısıasy qaıta jalǵasyn tapty", - dedi Memleket basshysy.