Qazaqstan sportshylary Parıj Paralımpıadasyna 33 lısenzıa aldy.
XVII jazǵy Paralımpıada oıyndary 28 tamyz ben 8 qyrkúıek aralyǵynda ótedi, dep habarlaıdy aqshamnews.kz
Elimizdiń para sportshylary Fransıanyń Parıj qalasynda ótetin Paralımpıadaǵa segizinshi márte qatysady.
Bul jerde olar sporttyń para júzý, para paýerlıftıng, para jeńil atletıka, para kanoe, para taekvondo, voleıboldy otyryp oınaý, para nysana kózdeý, para ústel tenısi, para dzúdo túrlerinen baq synaıdy. Jarysqa barlyǵy 44 sportshy qatysady.
10 para dzúdoshy Paralımpıada júldesi úshin tatamıge shyǵady.
Berik İzmaǵanbetov (voleıboldy otyryp oınaý) pen Sevda Alıeva (para nysana kózdeý) tý ustap shyǵady.
Parıjdegi Olımpıadaǵy Paralımpıada qos chempıony men eki júldegeri qatysady.Olar: Zúlfıa Ǵabıdýllına. Ol 2016 jyly Rıo Paralımpıadasynyń chempıony bolǵan.
Zúlfıa Ǵabıdýllına quramadaǵy eń tájirıbeli sportshy bolyp sanalady. Bıyly ol tórtinshi Paralımpıadasyna qatysady.
Ekinshisi - Tokıo Paralımpıadasynyń chempıony Davıd Degtárev.
Sonymen birge Tokıo Paralımpıadasynyń qola júldegeri Nurdáýlet Jumaǵalı, Rıo Paralımpıadasynyń kúmis medalısi Raýshan Qoıshybaeva da taǵy da jarysta kúsh synasady.
Bıylǵy dodaǵa Qazaqstan quramasynan Álfıa Tilekqabyl degen 18 jastaǵy sportshy bara jatyr. Ol quramadaǵy eń jas sportshy bolyp otyr. Sportshy para dzúdodan kúresedi. Al eń jasy úlken sportshy – Zúlfıa Ǵabıdýllına. Onyń jasy 59-da. Ol para júzýden synǵa túsedi.
Paralımpıadada joǵaryda aty atalǵan otandastarymyzdyń júlde alýǵa kúsh-qaıraty jetedi. Bylaısha aıtqanda tolyq múmkindigi bar. Sondaı-aq, voleıboldy otyryp oınaýdan Qazaqstan ulttyq quramasynyń júlde alýdan múmkindigi den joq emes. Qazir ulttyq qurama álemdik reıtıńte 75 eldiń ishinde 6-orynda tur.
Qazaqstan sportshylary bıyl alǵash ret para ústel tenısinen Paralımpıada joldamasyn jeńip aldy. Elimizdiń namysyn bul synda Álı Maqulbekov qorǵaıdy.
Sonymen birge el namysyn para dzúdodan on sportshy qorǵaıtyn boldy. Sonyń ishinde 73 keli salmaqta tatamıge shyǵatyn Erǵalı Shameıdiń júlde alýǵa qaýqary jetedi.