Qatty jel turyp, jańbyr jaýady.
"Qazgıdromet" RMK 2024 jyldyń 20 tamyzynda Qazaqstan aýmaǵynda aýa raıy qandaı bolatynyn aıtty, dep habarlaıdy aqshamnews.kz
Sınoptıkterdiń málimetinshe, soltústik-batys sıklonynyń áserinen Qazaqstannyń basym bóliginde aýa raıynyń turaqsyz sıpaty saqtalady.
"Naızaǵaı oınap, burshaq túsedi, daýyl turady, jańbyr jaýady dep kútiledi. Elimizdiń soltústiginde, ortalyǵynda qatty jańbyr jaýady. Tek respýblıkamyzdyń batysynda, ońtústiginde, ońtústik-shyǵysynda jaýyn-shashynsyz aýa raıy kútiledi. Respýblıka boıynsha ortaq tabıǵı qubylys - jeldiń ekpin alýy. Elimizdiń soltústiginde, soltústik-batysynda túnde jáne tańerteń tuman bolady", delingen "Qazgıdromet" RMK aqparatynda.
Sınoptıkter kúndiz Atyraý oblysynda qatty ystyq bolatynyn boljaıdy. Atyraý, Abaı oblystarynda, Ulytaý oblysynyń soltústiginde, shyǵysynda, Batys Qazaqstan oblysynyń ortalyǵynda, Mańǵystaýdyń batysynda, ońtústik-shyǵysynda, Shyǵys Qazaqstan oblysynyń soltústik-batysynda órt qaýpi joǵary bolady.
Qyzylorda, Túrkistan, Jambyl oblystarynda, Almaty oblysynyń batysynda, soltústiginde, Mańǵystaý óńiriniń soltústik-batysynda, ortalyǵynda, Atyraý oblysynyń ońtústik-batysynda, ońtústiginde, soltústik-shyǵysynda, Shyǵys Qazaqstan oblysynyń ońtústiginde, ortalyǵynda, Qaraǵandy oblysynyń shyǵysynda, ońtústiginde, Ulytaý oblysynyń ońtústiginde, Abaı oblysynyń batysynda, soltústik-batysynda, ońtústiginde, Batys Qazaqstan oblysynyń ońtústiginde tótenshe órt qaýpi kútiledi.
Buǵan deıin sınoptıkter 2024 jyly 20-22 tamyz aralyǵynda respýblıkalyq mańyzy bar qalalarda aýa raıy qandaı bolatynyn jarıalaǵan bolatyn.