Zań jobasy 3 qyrkúıekke deıin qoǵamdyq talqylaýda bolady.
Eldegi óńir ákimderi osyndaı jańa ókilettikke ıe bolýy múmkin, dep habarlaıdy aqshamnews.kz
Jańa ereje boıynsha Úkimet janyndaǵy keńesterdiń birine Astana, Almaty, Shymkent qalalarynyń jáne oblystardyń ákimderin kirgizý josparlanǵan.
Jańa bastamany sıfrlyq damý, ınovasıalar jáne aeroǵarysh ónerkásibi mınıstrligi usynǵan. Qujatta ákimderdi Úkimettiń tehnologıalyq saıasat jónindegi keńesiniń quramyna engizý usynyldy. Ol keńestiń quramyna prezıdenttiń ǵylym jáne ınovasıalar jónindegi keńesshisi de kiredi. Ázirge quramda premer-mınıstr, barlyq mınıstrler, sondaı-aq agenttikter men ulttyq kompanıalardyń basshylary bar.
Zań jobasyn ázirleýshilerdiń aıtýynsha, bul atqarýshy bılik pen ınovasıalyq sala ókilderiniń, sondaı-aq kásipkerlik sýbektileri arasyndaǵy jumysty úılestirýge múmkindik beredi.
Aıta ketsek, Úkimet janyndaǵy Tehnologıalyq saıasat jónindegi keńes 2022 jyldan beri konsýltatıvtik-keńesshi organ qyzmetin atqarady jáne memlekettik tehnologıalyq saıasatty qalyptastyrý jáne iske asyrý maqsatynda qurylǵan.