Kerik jatqan bólme kishkentaı boldy
Ferǵana haıýanattar baǵynyń dırektory Tursynáli Mamajonov jıraf qańtardaǵy qatty aıazda aýyryp, ólgenin aıtty, dep habarlaıdy Almaty-akshamy.kz Zakon.kz-ke silteme jasap.
Gazeta.uz habarlaýynsha, jıraf 2018 jyly Qazaqstannan ákelingen. Onyń aty Maksım edi.
"Kerik jatqan bólme kishkentaı boldy. Sondyqtan ony taza aýada serýendeýge shyǵardyq. Keıingi kezde kóp jatyp qaldy. Dalaǵa serýenge shyǵarǵannan oǵan sýyq tıip qaldy. Buny ol ólgen soń bildik. Kerik ólgennen keıin "Veterınarıa jáne mal sharýashylyǵyn damytý departamentinen, Tabıǵı resýrstar mınıstrliginen jáne basqa da uıymdardan mamandar shaqyryldy. Deneni teksergende oǵan sýyq tıgeni rastaldy. Jıraftyń eti janýarlarǵa taratyldy", - dedi Tursynáli Mamajonov.
Sol kúnderi zoobaqta qustar da qyrylyp qalǵan.
2022 jyly Tashkent haıýanattar baǵynda Alataý esimdi jıraf mı ıshemıasynan qaıtys boldy. Ol 2016 jyly úsh jasynda Almaty haıýanattar baǵynan ákelindi.