Ózbekstannyń 2 jáne Qyrǵyzstannyń 6 azamaty ustaldy
Keıingi 1 aptada ózbek-qyrǵyz shekarasynda 3 jasyryn jerasty joly tabyldy, dep habarlaıdy Almaty-akshamy.kz «Habar 24» telearnasyna silteme jasap.
Týnel arqyly qylmystyq top zańsyz taýar tasymaldap kelgen. Ándijanda osy oqıǵaǵa qatysty Ózbekstannyń 2 jáne Qyrǵyzstannyń 6 azamaty ustalyp, 6-dan 8 jylǵa deıin bas bostandyǵynan aıyryldy. Olar bir memlekettiń aýmaǵynan ekinshi elge 1 mln 641 myń AQSH dollaryn zańsyz alyp ótken. Tekserý kezinde jerasty jolynda júk tasıtyn jedelsaty men elektrli arba tabyldy. Al Ferǵanadaǵy jaǵdaı áli tergelip jatyr.
Ustalǵan azamat 2 myń 700 dana uıaly telefon tıelgen kólikti shekaradan ótkizbek bolady. Alaıda kúdiktini qaýipsizdik qyzmetiniń ókilderi toqtatyp, úıin tekseredi. Kórshi elge qaraı qazylǵan uzyndyǵy 130 metrlik taǵy bir týnel sol jerden tabyldy.
«Top músheleri quqyq qorǵaý organdarynyń nazaryna ilikpes úshin baılanys quraldaryn qoldanǵan. İri kólemdegi valútany elimizdiń aýmaǵyna ákelip, odan keıin jer asty týnneli arqyly Qyrǵyzstanǵa nemese keri baǵyt boıynsha tasymaldap júrgen»,-deıdi Ózbekstan memlekettik qaýipsizdik qyzmetiniń ókili Mahlıó Valıkýlova.