300 myń turǵyn evakýasıalandy
Qytaıdyń shyǵysyndaǵy Szánsı provınsıasynda nóser jaýynan 2 mln adam japa shekti, dep habarlaıdy Almaty-akshamy.kz QazAqparatqa silteme jasap.
«Sınhýa» agenttiginiń málimetinshe, Szánsı provınsıasynda tabıǵat tosyn minez tanytyp, nóser jańbyr jaýǵan. Bul 2,05 mln turǵynnyń qalypty ómir daǵdysyn buzdy. 150 myń gektar egistik sý astynda qaldy. Ekonomıkalyq shyǵyn 6,79 mlrd ıýánnen ($1,01 mlrd) asyp jyǵylǵan.
Qyzyl sý basqan aımaqtan shuǵyl túrde 300 myń turǵyn evakýasıalandy.
Jergilikti BAQ-tyń habarlaýynsha, bılik alǵash ret Szánsı provınsıasynda aýa raıynyń qolaısyzdyǵyna baılanysty qyzyl deńgeıdegi tótenshe jaǵdaı jarıalaǵan.
Aıta ketý kerek, Qytaıda tótenshe jaǵdaı 4 deńgeı boıynsha belgilenedi: kók, sary, qyzyl sary jáne qyzyl deńgeı.