Eki aǵaıyndy bala bata bastaǵan
Qonaev qalasyndaǵy Qapshaǵaı sý qoımasyna shomylýǵa barǵan tórt adam kólge batyp ketti, dep habarlaıdy Almaty-akshamy.kz Almaty oblysy TJD baspasóz qyzmetine silteme jasap.
Qaıǵyly jaǵdaı 26 maýsymda bolǵan.
2022 jylǵy 26 maýsym kúni Qonaev qalasyndaǵy, Qapshaǵaı sý qoımasynda, "Golýboı zalıv" aýdanynda, shomylýǵa arnalmaǵan jerde tórt adam sýǵa batyp ketti (1990 j.t. áıel, 1992 j.t. er adam jáne 2007, 2010 j.t. eki bala.), 1954 j.t. taǵy bir áıel adam qutqaryldy, barlyǵy týys adamdar,-delingen habarlamada.
Sý qoımasynda shomylý barysynda tolqyn kóterilip, eki aǵaıyndy bala bata bastaǵan. Olardy aǵasy, tátesi jáne apasy qutqarýǵa umtylǵan. Biraq ókinishke qaraı, tek apasy ǵana aman qaldy. TJD qutqarýshylary eki bala men er adamnyń denesin sýdan alyp shyqty.
Almaty oblysy ákiminiń qaýlysyna sáıkes, Qonaev qalasynda qutqarýshylar kezekshiligi uıymdastyrylǵan 7 qalalyq jaǵajaı bar, sondaı-aq olar qutqarý munaralarymen jáne shomylý kezinde adamdardyń qaýipsizdigin qamtamasyz etý úshin basqa da qajetti quraldarmen jabdyqtalǵan. Almaty oblysynyń Tótenshe jaǵdaılar departamenti azamattardan arnaıy jabdyqtalǵan oryndarda ǵana sýǵa shomylýdy, júze almasańyz sýǵa belden joǵary túspeýdi, balalardy sý janynda qaraýsyz qaldyrmaýdy, sý janynda demalý kezinde spırttik ishimdikterdi ishpeýdi jáne tolqyndar men daýyldy aýa raıynda sýǵa shomylmaýdy suraıdy.
Esterińizge sala keteıik, Konaev qalasynda 7 qalalyq jaǵajaı bar, olar qutqarý munaralarymen jabdyqtalǵan, qutqarýshylardyń kezekshiligi jáne shomylý kezinde adamdardyń qaýipsizdigin qamtamasyz etý úshin basqa da qajetti quraldarmen qamtamasyz etilgen, sonymen qatar qalada 140-qa jýyq jeke demalys oryndary bar.