Jol júrý bıletin qaıdan alýǵa bolady?
Almaty qalasynda jaıaý, avto/taksımen jáne velosıpedpen júrýge bolady. Qatynastyń asa keńinen taraǵan túri qoǵamdyq kólik bolyp qalýda. İs júzinde qalanyń kez kelgen núktesine avtobýspen, troleıbýsben jáne metromen jetýge bolady. Bul týraly Almaty-akshamy.kz Open-almaty.kz-ke silteme jasap habarlaıdy.
Eger ciz qalada jıi júretin bolsańyz, onda «Ońaı» júıesiniń jol júrý bıletin satyp alǵanyńyz jón. Ol tórt túrde usynylǵan: biryńǵaı jol júrý bıleti, áleýmettik jol júrý bıleti, stýdenttiń jáne oqýshynyń jol júrý bıleti.
Biryńǵaı kólik kartasy degenimiz ne?
«Ońaı» biryńǵaı kólik kartasy degenimiz – jol júrý bıleti bolyp tabylatyn plasıkalyq kartochka. Kez kelgen qoǵamdyq kólikte kólik esiginiń janynda ornalasqan termınal panelinen jaı ǵana ótkize otyryp, kartany paıdalanýǵa bolady. Kórsetkish taqta jasyl túspen jandy ma? Siz jol aqysyn tóledińiz!
«Ońaı» biryńǵaı kólik kartasyn myna jerlerde satyp alýǵa bolady:
- áýejaıda, avtobýs jáne temirjol vokzaldarynda;
- «Karavan» «Daýys», «Bıngo» dúńgirshekteriniń agenttik jelilerinde, «Azbýka svázı», «Akson-mobile» salondarynda;
- qoǵamdyq kólik júrgizýshilerinen;
- metropolıten kasalarynda;
- «Ońaı» degen sımvolıkasy bar fırmalyq keýdesheler kıgen baqylaý-tekserý basqarmasy qyzmetkerlerinen.
«Ońaı» biryńǵaı kólik kartasynyń quny - 400 teńge. Bul somaǵa qoǵamdyq kólikte bir jol júrýdiń quny (80 teńge) jáne eger siz satyp alǵan sátten bastap jarty jyldyń ishinde kartany qaıtaryp berseńiz óteletin kólik kartasynyń (320 teńge) kepil quny kiredi.
«Ońaı» biryńǵaı kólik kartasyn qaıda qaıtarýǵa bolady?
Mekenjaıy: Almaty q., Rysqulbekov k-si, 33/1, «Almaty qalasy Kólik holdıńi» JSHS-ne júgine otyryp, nemese «Ońaı» degen sımvolıkamen belgilengen temirjol vokzaldaryndaǵy arnaıy kasalarda kólik kartasyn qaıtarýǵa jáne kepil qunyn alýǵa bolady.
Oqýshylarǵa arnalǵan
Oqýshyǵa arnalǵan arnaıy kólik kartasyn oqýshy ózi oqıtyn mekemege (mektep, gımnazıa, lıseı) júgine otyryp ala alady. Karta derbes, ıaǵnı ataýly bolyp tabylady. Kartany ıemdenetin oqýshy ǵana ony paıdalana alady. «Ońaı» mektep kartasy boıynsha qoǵamdyq kólikterde bir ret jol júrý quny 40 teńgeni quraıdy. Oqýshynyń kólik kartasy mektepte oqýdyń búkil kezeńine beriledi. Oqýshynyń kartasyn shyǵarý quny - 320 teńge. Joǵalǵan jaǵdaıda kartany qaıta shyǵarý quny da 320 teńgeni quraıdy.
Eger oqýshy Almatyda turmasa jáne oqymasa?
Almaty qaslasynda turmaıtyn balalar da oqýshynyń kólik kartasyn ala alady.
Balanyń ata-anasy, qorǵanshysy nemese kámeletke tolǵan týysy onyń jeke basyn kýálandyratyn qujatpen, balanyń týý týraly kýáligimen jáne 3h4 sm fotosymen Rysqulbekov kóshesi, 33/1 mekenjaıyna júginýi tıis. Osy mekenjaıda onyń qaıta shyǵarý qunyn tólep, joǵalǵan kartany qalpyna keltirýge bolady.
Stýdentterge arnalǵan
Eger siz Almaty qalasy joǵary oqý ornynyń kúndizgi bóliminde nemese Almaty qalasynyń tehnıkalyq jáne kásiptik bilim berý uıymynda oqıtyn bolsańyz ǵana, siz stýdenttik kólik kartasyn onlaın tártiptemesinde ala alasyz. Karta derbes, ıaǵnı ataýly bolyp tabylady. Kartany ıemdenetin stýdent qana ony paıdalana alady. «Ońaı» stýdenttik kartasy boıynsha qoǵamdyq kólikterde bir ret jol júrýdiń quny 40 teńgeni quraıdy. Stýdenttiń kólik kartasy oqý ornynda oqyǵan búkil kezeńine beriledi. Stýdenttik kartany shyǵarý quny 320 teńge. Joǵalǵan jaǵdaıda kartany qaıta shyǵarý quny da 320 teńge bolady.
Jeńildik berilgen adamdarǵa arnalǵan
Siz «Ońaı» áleýmettik kólik kartasyn qolyńyzda jeke basyńyzdy kýálandyratyn qujat jáne jeńildikti kýálandyratyn qujat (zeınetker kýáligi, múgedektigi tirkelgen jeri boıynsha emhanada medısınalyq-áleýmettik saraptamamen berilgen múgedektik týraly anyqtama jáne mekenjaı anyqtamasy) bolǵan jaǵdaıda Almaty q. Áleýmettik baǵdarlamalar jáne jumyspen qamtý basqarmasynyń aýdandyq bólimderinde ala alasyz. Jeńildik kartasy derbestendirilgen jáne ıesiniń fotosy men málimetterin qamtıdy. Ol boıynsha jol júrý quny 40 teńgeni quraıdy. Kartany shyǵarý quny 320 teńge. Joǵalǵan jaǵdaıda qaıta shyǵarý quny da 320 teńge bolady.
Birjolǵy jol júrý quny:
- jasy boıynsha zeınetkerler, kóp balaly (18 jasqa deıingi 4 nemese odan da kóp balasy bar) analar úshin 40 teńgeni quraıdy;
- 75 jastan asqan zeınetkerler, UOS qatysýshylary men múgedekteri, sondaı-aq olarǵa teńestirilgen adamdar, 18 jasqa deıingi múgedek balalar jáne 1, 2 toptaǵy múgedekter úshin tegin.
Kartada teńgerimdi qalaı toltyrýǵa bolady?
«Ońaı» kartasynyń teńgerimin uıaly baılanystyń tólem termınaldary, mobıldi qosymshalar arqyly jáne bankterdiń ınternet-portaldary arqyly toltyrýǵa bolady.
Sonymen qatar Beeline abonentteri 2020 qysqa nómirge SMS habarlama arqyly jáne money.beeline.kz tólem servısiniń kómegimen teńgerimdi toltyra alady.
Tolyq aqparatty resmı saıtynan alýǵa bolady, munda siz sondaı-aq tolyqtyrý men saparlar tarıhyn qaraı alasyz.
Erejelerdi buzý faktisi boıynsha qaıda júginýge bolady?
Eger de kondýktor nemese júrgizýshi erejelerdi buzyp, jol aqysyn qolma-qol talap etse, siz atalǵan avtobýstyń memlekettik nómirin jazyp alyp, «Ońaı» kartasynyń qoldanýshylaryna qyzmet kórsetý ortalyǵyna» +7 (727) 397 01 91 telefony boıynsha habarlasýyńyzǵa bolady. Sonymen qatar, eger de termınal isten shyqsa, siz jol aqysyn tólemeýge quqylysyz.
Saralanǵan tarıf
Almaty qoǵamdyq kóliginde 1 tamyzdan bastap saralanǵan tarıf engizilgen. Endi qolma-qol tóleý kezinde jol júrý quny 150 teńgeni quraıdy. 80 teńge kólemindegi jol júrý baǵasy saqtalady, eger jolaýshy "Ońaı" biryńǵaı kóliktik kartochkasymen nemese SMS arqyly nemese banktik karta arqyly tóleıtin bolsa.