Álemniń 27 elinde maımyl sheshegi aýrýy anyqtalǵan.
Dúnıejúzilik densaýlyq saqtaý uıymynyń ókilderi maımyl sheshegin qaıta juqtyrý qaýpi baryn aıtty, dep habarlaıdy Almaty-akshamy.kz.
COVID-19 taralýyna jol bermeý jónindegi vedomstvoaralyq komısıanyń málimetterine qaraǵanda, álemniń 27 elinde maımyl sheshegi aýrýy anyqtalǵan.
İndet juqtyrý derekteri negizinen Eýropa men Soltústik Amerıkada anyqtalǵan.
«Biz Batys Afrıkada maımyl sheshegi aýrýymen aýyrǵan dárigerdiń keıinirek qaıta vırýs juqtyrǵanyna kýá boldyq. Imýnıtet vırýsty qaıta juqtyrýdan 100% qorǵaı almaıdy», - dedi Dúnıejúzilik densaýlyq saqtaý uıymynyń sheshekpen kúres jónindegi hatshylyǵynyń basshysy Rozamýnd Lúıs.
Dúnıejúzilik uıym maımyl sheshegi taralýynyń aldyn alýǵa bolatyndyǵyn aıtty. Naýqastarǵa úıde oqshaýlanýǵa keńes beriledi.
Vedomstvoaralyq komısıanyń málimetinshe, Qazaqstanda maımyl sheshegin juqtyrý deregi tirkelgen joq.