Olar álemdik ekonomıkany damytýdyń ózekti máseleleri jóninde pikir almasty.
Prezıdent Qasym-Jomart Toqaev Sheteldik ınvestorlar keńesiniń 34-otyrysyna qatysý úshin Qazaqstanǵa kelgen Eýropalyq qaıta qurý jáne damý bankiniń prezıdenti Odıl Reno-Bassomen kezdesý ótkizdi, dep habarlaıdy Almaty-akshamy.kz Aqordaǵa silteme jasap.
Kezdesý barysynda elimizde ınfraqurylym, tranzıttik tasymal, ekonomıkany kómirteginen aryltý, ekonomıka jáne qarjy sektory salalaryndaǵy birqatar ınvestısıalyq jobany júzege asyrýdyń perspektıvalary talqylandy. Sondaı-aq olar álemdik ekonomıkany damytýdyń ózekti máseleleri jóninde pikir almasty.
Odıl Reno-Basso Qasym-Jomart Toqaevty jalpyulttyq referendýmnyń sátti ótýimen quttyqtap, onyń nátıjeleri sheteldik ınvestorlardyń elimizge degen senimin odan ári nyǵaıta túsetinin atap ótti. Sonymen qatar Qazaqstan ekonomıkasyn damytýdyń jáne eldiń qarjy júıesin nyǵaıtýdyń perspektıvalary týraly kózqarasyn bildirdi.
