Almatyda turǵyn úı sektoryndaǵy qoǵamdyq tártip pen qaýipsizdikti qamtamasyz etýge baǵyttalǵan "Qaýipsiz aýla" jedel-profılaktıkalyq is-sharasy jalǵasýda.
İs-sharanyń eki kúni ishinde polısıa qyzmetkerleri turǵylyqty mekenjaılary boıynsha esepte turǵan 2 105 adamdy tekserdi,- dep habarlaıdy aqshamnews.kz.
Nátıjesinde 14 azamatqa qatysty sot sheshimimen minez-qulqyna erekshe talaptar belgilenip, onyń ishinde alkogóldik ishimdikterdi tutynýǵa tyıym salyndy. Sonymen qatar alkogól ónimderin zańsyz satý derekteri boıynsha 29 quqyq buzýshy jaýapkershilikke tartyldy. Qoǵamdyq oryndarda alkogóldik ishimdikter ishkeni úshin 152 azamatqa qatysty shara qoldanyldy.
— "Qaýipsiz aýla" jedel-profılaktıkalyq is-sharasynyń basty maqsaty — quqyq buzýshylyqtardyń aldyn alý jáne aýlalar men turǵyn massıvterde qaýipsiz ortany qalyptastyrý. Biz esepte turǵan tulǵalarmen júıeli túrde jumys júrgizip, alkogól ónimderiniń zańsyz aınalymyn jáne qoǵamdyq tártipti buzý faktilerin der kezinde toqtatýdamyz. Mundaı sharalar yqtımal qaýip-qaterlerdi erte anyqtaýǵa jáne aýyr quqyq buzýshylyqtardyń aldyn alýǵa múmkindik beredi, — dedi Almaty qalasy polısıa departamenti qoǵamdyq qaýipsizdik basqarmasynyń bastyǵy Asqat Qulbaev.