Kandıdattar usyný naýqany keshe aıaqtaldy.
Ortalyq saılaý komısıasynyń málimetinshe, aldaǵy parlament saılaýyna barlyǵy 892 kandıdat usynyldy, dep habarlaıdy Almaty-akshamy.kz
7 partıalyq tizim májilis depýtattyǵyna 283 kandıdat usynyldy:
1."Qazaqstan halyq partıasy" – 52 kandıdat;
2."Aq jol" Qazaqstan demokratıalyq partıasy – 54 kandıdat;
3."Aýyl" halyqtyq-demokratıalyq patrıottyq partıasy – 25 kandıdat;
4."Amanat" partıasy – 90 kandıdat;
5."Respublica" partıasy – 25 kandıdat;
6.Jalpyulttyq sosıal-demokratıalyq partıa – 19 kandıdat;
7."Baıtaq" jasyldar partıasy – 18 kandıdat.
Sondaı-aq birmandattyq okrýgter boıynsha Májilis depýtattyǵyna qansha kandıdat usynylǵany da belgili boldy.
Barlyǵy 29 okrýg boıynsha 609 kandıdat usynylyp otyr. Onyń ishinde 7 saıası partıadan – 79 úmitker, tórt qoǵamdyq birlestikten – 5 kandıdat, qalǵan 525-i – ózin-ózi usynǵandar.
Kandıdattar men saıası partıalardy tirkeý 18 aqpan 18.00-ge deıin jalǵasady. Saılaý aldyndaǵy úgit 18 aqpan 18.01-de bastalyp, 18 naýryz saǵat 00.00-de aıaqtalady.
18 naýryz – tynyshtyq kúni.
Aıta keteri, Parlament Májilisi 98 depýtattan quralady: 69 depýtat partıalyq tizimder boıynsha, al 29 depýtat birmandattyq aýmaqtyq okrýgter boıynsha saılanady.
Májilis pen máslıhat depýtattarynyń kezekten tys saılaýy 19 naýryzda ótedi.