20 aqpanda halyqaralyq júk avtotasymalyna ruqsat beretin jańa ereje kúshine enedi.
Engizilgen ózgerister halyqaralyq júk tasymaly men ózge de rásimderdi júzege asyrýǵa ruqsat beretin talaptardy kúsheıtýdi kózdeıdi, dep habarlaıdy Almaty-akshamy.kz
Qazaqstan Respýblıkasy Indýstrıa jáne ınfraqurylymdyq damý mınıstriniń 2022 jyldyń 13 jeltoqsandaǵy №715 buıryǵymen ("QR Kólik jáne komýnıkasıa mınıstriniń jáne QR Investısıalar jáne damý mınıstriniń m.a. keıbir buıryqtaryna ózgerister engizý týraly") tasymaldaýshylarǵa halyqaralyq júk avtotasymalyn iske asyrýǵa ruqsat beretin erejeler men Qazaqstan Respýblıkasynda avtomobılmen tasymaldaýdyń ruqsat berý júıesiniń halyqaralyq baǵyttaǵy qoldaný erejelerine ózgerister engizildi.
Bul qujat halyqaralyq júk avtotasymalynyń elimizdegi naryǵyn damytýǵa, sondaı-aq ishki naryq pen otandyq tasymaldaýshylardyń múddelerin qorǵaýǵa baǵyttalǵan.
Atap aıtqanda, osy buıryq arqyly avtokólik quraldaryna ruqsat berý kartochkalarynyń qoldanylý merzimi belgilenip, sheteldik ruqsatty alýdyń tártibi aıqyndaldy (ruqsat berý kýáligi men ruqsat berý kartochkasy "sheteldik ruqsat berý qujatyn qoldaný" jáne "qoldanbaý" sanattaryna bólinedi).
Sondaı-aq ruqsat kýáligi men ruqsat kartochkasynyń qoldanylýyn shektep, olardy toqtatýmen birge kompanıalarǵa sheteldik ruqsat qujattaryn halyqaralyq júk avtotasymalyn iske asyrýǵa berý men taǵy da basqa talaptar engizilip otyr.