Kúdikti ýaqytsha ustaý ızolátoryna qamaldy.
Esirtki ónimderin saýdalaǵan 31 jastaǵy almatylyq qolǵa tústi, dep habarlaıdy Almaty-akshamy.kz Polisia.kz-ke silteme jasap.
Almaty qalasy polısıa departamentiniń ekstremızmge qarsy kúres basqarmasy men Áýezov aýdandyq polısıa basqarmasynyń kyzmetkerleri birlese otyryp, esirtki saýdagerin qolǵa túsirdi.
«QR QK-niń 297-baby 1-tarmaǵy (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha qylmys jasady degen kúdikpen, ıaǵnı esirtki zattaryn zańsyz satyp júrgen 1992 jyly týylǵan B. esimdi azamat quryqtaldy. Ruqsat etilgen tintý barysynda kúdiktiden esirtki tektes zattar tárkilenip, sot-hımıalyq saraptamaǵa jiberildi. Nátıjesinde onyń keptirilgen marıhýana ekendigi anyqtaldy. QR QPK-niń 128-baby (Ustap alý negizderi) boıynsha kúdikti ýaqytsha ustaý ızolátoryna qamaldy. Tergeý amaldary júrgizilip jatyr»,-dedi Áýezov aýdandyq polısıa basqarmasynyń bastyǵy Ulan Ábilqaıyr.