Energetıka vıse-mınıstri Erlan Aqkenjenov janarmaı beketterinde AI-95 benzıni nege tapshy ekenin túsindirdi, dep habarlady Almaty-akshamy.kz. BAQ.KZ-ke silteme jasap.
Shymkent munaı óńdeý zaýytynda bolǵan sońǵy jaǵdaıdy bilesizder. Búgingi tańda onda tek AI-92 shyǵarylyp jatyr. Biz qazanda AI-95-ke jaǵdaı turaqtalady dep otyrmyz. Munyń sebebi Shymkenttegi zaýytta júrgizilip jatqan jóndeý jumystaryna baılanysty. Qazir eldiń ońtústik óńirlerin Atyraý jáne Pavlodar munaı óńdeý zaýyttarynyń munaı ónimderi qamtamasyz etip otyr, - dedi vedomstvo ókili.
Vıse-mınıstrdiń atap ótýinshe, elimizdiń jer kóleminiń keńdigine baılanysty Qazaqstannyń batysynan ońtústigine (benzın) ónim jetkizý biraz ýaqyt alady.
Osy aı elimizde, ásirese demalys kúnderi AI -95-ke suranys artqany baıqalady. Sondaı-aq Aqkenjenov tapshylyqqa taǵy bir sebep - demalys kúnderi munaı bazalarynyń jumys isteýinde jatyr.
Sonymen qatar Erlan Aqkenjenov AI-95 benzıniniń bir bóligi Reseıden jetkiziletinin atap ótti.
Bıyl Qazaqstan AI-95 benzıniniń 40 myń tonnasyn ımporttaýdy qarastyrdy. Búginde tıisti kelisimshart jasaldy. Import tamyzda bolady. Birinshi ımport – 19 myń tonna (AI-95). Ol birneshe aı bolady. Shymkent MÓZ tolyq qýatyna kóshkende AI-95 benzınnin óndirýdi bastaımyz, - dedi vıse-mınıstr.