Naýryzbaı aýdanynyń ákimi Nazıra Toǵyzbaeva ÓKQ brıfıńinde oqýshylardy tasymaldaý úshin qansha kólik bólingenin jáne mektepke bólingen sary avtobýstardyń qalaı jumys isteıtinin aıtty.
Naýryzbaı aýdanyna «Mektep avtobýsy» jobasynyń aıasynda 27 avtobýs bólindi, olar kúndelikti 2400 oqýshyny tasymaldaıdy, dep habarlaıdy almaty-akshamy.kz.
«2024 jyldyń qańtar aıynan bastap 940 balaǵa qosymsha 16 avtobýs bólindi. Jalpy 3 400-ge jýyq bala qamtylǵan», - dedi aýdan basshysy.
Sondaı-aq, Nazıra Toǵyzbaeva bıylǵy 1 maýsymda Memleket basshysynyń tapsyrmasy boıynsha Naýryzbaı aýdanynda ınovasıalyq shyǵarmashylyqtyń kópsalaly ortalyǵy ashylǵanyn eske saldy.
«Basty mindet – balalarymyzǵa eń jaqsysyn berý. Jańa ortalyq mektepterge qadamdyq qoljetimdi jerden ashyldy jáne joǵary standarttar boıynsha sıfrlandyrýdyń bilim berý tehnologıalarymen jabdyqtalǵan. Qazirgi ýaqytta 2200 bala qamtylǵan», - dedi ol.
Sonymen qatar, Naýryzbaı aýdanynda Damu bala baǵdarlamasy belsendi júzege asyrylýda - balalar men jasóspirimderge arnalǵan shyǵarmashylyq jáne sporttyq úıirmelerdi qarjylandyrýǵa jergilikti búdjetten 1,4 mlrd teńge bólindi. Baǵdarlama aıasynda 10 myńnan astam bala tegin úıirmeler men sport seksıalaryna qatysady.