Almaty qalasynyń óńirlik komýnıkasıalar qyzmetiniń brıfıńinde Naýryzbaı aýdanynyń ákimi Nazıra Toǵyzbaeva aýdanda medısınalyq mekemelerge júktemeni azaıtý máselesi qalaı sheshimin tabatynyn aıtty, dep habarlaıdy almaty-akshamy.kz.
Qazirgi ýaqytta Naýryzbaı aýdanynda tórt emhana, úsh aýrýhana, otbasylyq-dárigerlik ambýlatorıa, eki jedel járdem stansıasy bar, onda 4500 medısına qyzmetkeri jumys isteıdi. Emhanalarda barlyǵy 165 myń turǵyn tirkelgen.
Quramys jáne Shuǵyla shaǵyn aýdandarynda medısınalyq kómektiń qadamdyq qoljetimdiligin qamtamasyz etý úshin Aqjar shaǵyn aýdanynda eki emhana men dárigerlik ambýlatorıa salý josparlanýda. Sondaı-aq, Aqjar jáne Shuǵyla shaǵyn aýdandarynda eki dene shynyqtyrý-saýyqtyrý keshenin salý boıynsha jobalyq-smetalyq qujattama ázirlenýde.
Sondaı-aq, Naýryzbaı aýdanynyń ákimi Nazıra Toǵyzbaeva oqýshy oryndarynyń tapshylyǵyn sheshý máselesine toqtaldy. Búginde 4 300 jýyq oqýshy orny tapshy. Máseleni sheshý úshin “Jaıly mektep” baǵdarlamasy aıasynda 3700 orynǵa eki mektep salynyp jatyr.
«Bıylǵy qazan aıynda Quramys, Shuǵyla shaǵyn aýdandarynda jáne Sabdenov kóshesinde 5500 oryndyq úsh mekteptiń qurylysy bastaldy. Sonymen qatar, aǵymdaǵy jyldyń qarasha aıynda Shuǵyla shaǵyn aýdanyndaǵy № 174 mektepke qosymsha qurylys bastaldy», - dep bólisti N. Toǵyzbaeva.
Qazirgi ýaqytta aýdanda 12 memlekettik, 14 jekemenshik jáne Nazarbaev atyndaǵy zıatkerlik mektebi, barlyǵy 30 myńǵa jýyq oqýshy bar.
Mektepke deıingi bilimge keletin bolsaq, Naýryzbaı aýdanynda mektepke deıingi oryndardyń tapshylyǵyn tómendetý úshin 2024 jyldyń 1 toqsanynda “Shuǵyla” shaǵyn aýdanyndaǵy 320 oryndyq balabaqsha ashylady. Sondaı-aq jeltoqsan aıynda “Shuǵyla”, “Quramys” shaǵyn aýdandarynda 640 balaǵa eseptelgen 2 balabaqsha qurylysy bastalady.
“Memleket basshysynyń tapsyrmasymen “Balapan” memlekettik baǵdarlamasy 130 balabaqshada júzege asyrylýda. Ata-analar baǵdarlama arqyly 70 paıyzǵa deıin jeńildik alýda. Iaǵnı, bul úlken qarjylaı kómek. 2023 jyly melmeketten «Balapan» baǵdaralamasyna 3,3 mlrd tenge qarjy bólingen”, - dep qorytyndylady spıker.