Naýryzbaı aýdanynyń 35 myń turǵyny magıstraldyq sý qubyry men sorǵy stansıasy salynǵannan keıin sapaly sýmen qamtamasyz etildi
2023 jyly Naýryzbaı aýdanynyń aýmaǵynda kaskadty sorǵy stansıasynyń qurylysy aıaqtaldy. Bul týraly Almatynyń Óńirlik komýnıkasıalar qyzmetiniń alańynda Naýryzbaı aýdanynyń ákimi Nazıra Toǵyzbaeva málimdedi, dep habarlaıdy almaty-akshamy.kz.
«Sondaı - aq, «Qarǵaly» jáne «Aqsaı» sý súzgi stansıalary salynyp jatyr. «Qarǵaly» stansıasynda jumys 85%-ǵa aıaqtalǵan. Jospar boıynsha 2023 jyldyń sońyna deıin stansıa iske qosylady. Bul jobany iske asyrý 70 myń turǵyndy sapaly sýmen qamtamasyz etedi», - dedi N. Toǵyzbaeva.
«Aqsaı» sý jınaǵyshy boıynsha qurylys jumystary 40% oryndaldy. Jobany iske asyrý merzimi 2025 jylǵy jeltoqsanǵa deıin. Qurylys jumystary aıaqtalǵannan keıin 100 myń turǵyn sýmen qamtamasyz etiledi.
Naýryzbaı aýdanynyń ákimi Nazıra Toǵyzbaeva óz sózinde sý qubyry jelilerin salý boıynsha júrgizilip jatqan jumystar týraly da atap ótti.
«Ózderińiz biletindeı, ortalyqsyzdandyrý aıasynda ınjenerlik jelilerdi salý boıynsha fýnksıalar aýdan ákimdikterine aýysty. Osy jyldyń sońyna deıin tórt shaǵyn aýdan boıynsha sýmen jabdyqtaý jáne káriz jelileriniń jobalary odan ári iske asyrý úshin aýdan ákimdigine beriletin bolady. Osylaısha, 2025 jyldyń sońyna qaraı 335 km sýmen jabdyqtaý jáne káriz jelileri salynady, sondaı - aq Naýryzbaı aýdanyn sapaly jáne úzdiksiz sýmen qamtamasyz etý máselesi sheshiledi», - dep qorytyndylady N. Toǵyzbaeva.