Bul sharalar turaqty elektrmen jabdyqtaýdy qamtamasyz etýge jáne apat saldarynan bolatyn elektrdiń óshýin azaıtýǵa múmkindik beredi, dep málimdedi ÓQQ brıfıńinde Naýryzbaı aýdanynyń ákimi Nazıra Toǵyzbaeva, dep habarlaıdy almaty-akshamy.kz.
«Shuǵyla, Aqjar, Taýsamaly, Quramys, Rahat, Qaraǵaıly jáne Qalqaman shaǵyn aýdandarynyń aýmaǵynda elektr jelileri men transformatorlyq qosalqy stansıalardy jańǵyrtý sheńberinde 65 km elektr jelisi men 39 transformatorlyq qosalqy stansıalar aýystyryldy jáne jóndeldi», - dedi N. Toǵyzbaeva.
Aýdan aýmaǵy 98%-ǵa syrtqy jaryqtandyrý jelilerimen jabdyqtalǵan. Aǵymdaǵy jyly «Halyq qatysatyn búdjet» baǵdarlamasy aıasynda jalpy uzyndyǵy 43 shaqyrym 59 kóshede syrtqy jaryqtandyrý qurylysy boıynsha jumystar aıaqtaldy, sondaı-aq qoǵamdyq keńistikterde, balalar oıyn alańdarynda jáne jaıaý júrginshiler aımaqtarynda 400-den astam jaryqtandyrý tirekteri ornatyldy.
Aýdan ákimi óz sózinde turǵyndardan aýdan aýmaǵynda kóshe jaryǵynyń joqtyǵyna kóptegen shaǵymdar kelip túsetinin atap ótti. Bul máseleni sheshý úshin qala ákiminiń tapsyrmasy boıynsha «Almaty Qala Jaryq» AQ kútip ustaýǵa jáne aǵymdaǵy jóndeýge 325 mln teńge bólindi.