Almatyda jyl saıyn ótetin Alpınıadada myńnan astam taý áýesqoılary Jastar shyńyna kóterildi
«Alpınıada-2024» óz máresine jetti. 12 mamyrda Panfılovshylar shyńyna (4120 m), 7 shildede Nursultan (Komsomol) shyńyna (4376 m) jáne 31 tamyzda Jastar shyńyna (4137 m) kóterilý ótti, dep habarlaıdy aqshamnews.kz
Jazdyń sońǵy kúni Jastar shyńyna kóterilýge 1 myńnan astam adam qatysty. 1B álpınısik sanatyndaǵy marshrýt Almaty qalasynyń Týrızm basqarmasynyń qoldaýymen, Almaty qalasynyń Álpınızm federasıasy, Almaty qalasynyń Álpınızm mektebi jáne Turclub.kz sporttyq týrıser qaýymdastyǵynyń álpınıseriniń muqıat daıyndyǵymen ótti.
«Shymbulaq» taý-shańǵy kýrortynan Jastar shyńynyń basyna deıin qatysýshylar shamamen 10 km jol, 2000 m bıiktikti júrip ótti. Qatysýshylardyń basym kópshiligi Kishi Almaty shatqalynda ornalasqan Tuıyq-Sý muzdyǵynda túnep shyqty.
Alpınıadanyń tehnıkalyq bóligi barlyq talaptarǵa saı arqandy qorǵaý arqyly jáne tolyqqandy álpınısik jabdyqtarmen ótti. Jol boıy álpınızm federasıasynyń arnaıy volonterleri barlyq qatysýshylarǵa kómek kórsetip otyrdy. Shyńǵa 354 qatysýshy kóterildi. Olardyń qaýipsizdigin 25 álpınıs pen Almaty qalasy ákimdigi qutqarý qyzmetiniń 15 qutqarýshysy qamtamasyz etti.
Bıylǵy Alpınıadaǵa erekshe balalar da qatysty, olar úshin marshrýttyń qoljetimdi bolýyn eskere otyryp arnaıy týr daıyndaldy. Inklúzıvti toptaǵy 29 bala ata-analary jáne gıdterdiń erip júrýimen birge «Tuıyq-Sý» alplageriniń janyndaǵy Qara sarqyramaǵa deıin júrip ótti.
«Alpınıada-2024» qorytyndysy boıynsha úsh jappaı kóterilýge úsh myńnan astam qala turǵyndary men qonaqtary qatysty. Panfılovshylar shyńyna 310 adam, Nursultan (Komsomol) shyńyna 355 adam jáne Jastar shyńyna 354 adam jetti. Eko-týrlarǵa 68 erekshe bala qatysty.
Almaty qalasy Álpınızm federasıasynyń shaqyrýymen Alpınıadanyń qurmetti qonaǵy Fransıanyń bas ókili Fabrıs Neva alǵash ret Jastar shyńyn baǵyndyrdy. Ol daıyndyq deńgeıiniń joǵarylyǵyn jáne álpınıs-volonterlerdiń jumysyn erekshe atap ótti.