Qazaq qoǵamynda mynadaı pikir qalyptasqan: bizdiń balalarymyz mektep bitirgennen keıin mindetti túrde joǵary oqý ornyna túsý kerek, dıplom alý kerek, sodan keıin qyzmetke turyp jumys isteý kerek degen túsinik bar. Al endi...
Kúndelikti ómirde ne kórip júrmiz? Kishkentaı bir nárse buzylyp qalsa nemese qarapaıym káriz júıesi bitelip qalsa, biz maman shaqyramyz. Olar keledi de 5 mınýttyq jumysyn istep, bizdiń jarty aılyq jalaqymyzdy alyp ketedi. Osy jerde bizde kemshilik bar.
Mysaly, aýyldyq jerde qazir mehanızator degen mamandyq tappaısyz. Ol jerde tokar, dánekerleýshi mamandary jetispeıdi. Eger qazir aýyldaǵy tehnıkanyń bir jeri buzylyp qalsa, bárin qalaǵa tasyp jóndeıdi.
Sondyqtan bul joldaýda jaqsy aıtyldy: biz maman daıyndaýymyz kerek. Naǵyz qajetti kúndelikti tirshilikke qajet mamandardy daıarlamasaq, aýyl sharýashylyǵy salasy turalap qalady.
Men prezıdenttiń mamandardy daıarlaý jáne eńbek adamynyń mártebesin arttyrý jaıynda aıtqan áńgimelerin tolyq qoldaımyn.